Muka kishte disa kritika për Partinë Demokratike, ndërsa Noka nga ana e tij komentoi zhvillimet e fundit dhe rolin e PD-së në to.

Në një moment, debati eskaloi dhe pati një sherr në studio.

Pjesë nga debati i ashpër

Klevin Muka: Të lutem, zërin mos ma ço, se jemi edhe afër. Kujdesshëm.

Flamur Noka: Ta çoj zërin që të çudis. Po të kallëzoj unë ty, kam çuar pesë deputetë.

Klevin Muka: Hiqe dorën.

(Kapen nga duart)

Pas këtij debati të ashpër, ndërhyri moderatorja Nisida Tufa, që kërkoi qetësi në studion e emisionit.

Pas transmetimit të reklamave, dy protagonistët e sherrit, si z Noka, ashtu edhe gazetari Klevin Muka kërkuan ndjesë për atë që ndodhi.

© BalkanWeb

Sh*rr në studion e Prime News24: Noka përplaset me gazetarin Muka! yazısı ilk önce NEWS üzerinde ortaya çıktı.

Mesazhi është interpretuar si një sinjal se përgatitjet për sezonin e ri mund të jenë duke marrë formë, megjithatë ende nuk ka një datë zyrtare të konfirmuar për nisjen e spektaklit. Megjithatë java e tretë e dhjetorit pritet të jetë fillimi i saj.

Për këtë temë u diskutua edhe në në pjesën e dytë të emisionit “Ftesë në 5”, me moderatoren Bieta Sulo, ku të ftuarit ndanë pritshmëritë e tyre, hamendësimet për emrat që mund të bëhen pjesë e shtëpisë dhe disa ide për mënyrën se si mund të vijë ky edicion.

Mes diskutimeve, Ardi Borova hodhi një ide interesante për mënyrën se si spektakli mund të ndërveprojë këtë sezon me publikun.

“Do më pëlqente fakti se si sivjet mënyra e të qenurit nga televizioni brenda familjes ndoshta mund të qaset në një mënyrë tjetër, jo vetëm me personazhe, por edhe me ndonjë surprise. Je duke parë Bigun, të bie dera, hapet dera, të vjen kamera e Topit dhe të thotë: Çfarë je tu pa Bigun?”, u shpreh Ardi.

Një ide që shkaktoi të qeshura në studio, ndërsa u diskutua edhe mundësia që surprizat të shtrihen në ambiente publike, si restorantet, ku njerëzit mund të përjetojnë një moment të papritur të lidhur me spektaklin.

Në studio u komentua gjithashtu mundësia e rikthimit të Arbër Hajdarit në rolin e opinionistit. Madje, gjatë bisedës u përmend edhe fakti se ai është ngacmuar nga vetë Ledioni për këtë çështje.

“Kam dëgjuar një thashethem që po më thonë se mund të jem edhe unë pjesë e Big Brother”, u shpreh njëri prej të pranishmëve, duke treguar se zërat për pjesëmarrësit dhe bashkëpunëtorët e këtij edicioni kanë nisur të qarkullojnë.

Megjithatë, diskutimi në studio u përqendrua te fakti se Arbër Hajdari duket se është një nga figurat që publiku do të dëshironte ta shihte sërish në karrigen e opinionistit.

Pjesa më interesante e bisedës erdhi kur në studio u prezantua një listë me emra që kanë qarkulluar në rrjetet sociale si kandidatë të mundshëm për t’u bërë pjesë e shtëpisë.

Në listën e përmendur ishin: Bujar Qamili, Mira Konçi, Robert Berisha, Viola Spiro, Deta Kokomani, Fero.

E pyetur se cilët prej tyre do të ishin më interesantë për këtë format, Desjana Rapaj veçoi dy emra.

“Më interesantë për mendimin tim do të ishin Fero dhe Bujari. Bujar Qamili po dhe po, por dhe Fero do ishte një prurje e mirë.”, u shpreh ajo.

Një nga momentet më pikante të diskutimit ishte ai për Robert Berishën.

“Te Roberti nuk po futem shumë, se Roberti është vetëm si të bëj si i bukur ashtu. Hajde, mirupafshim!”, u shpreh Desjana.

Biseda vijoi me komente për pamjen e jashtme të këngëtarit, duke sjellë edhe një batutë që shkaktoi të qeshura:

“Gjyshja ime më ka thënë: Bashkëshorti duhet të jetë pak më i bukur se majmuni”.

Një prej opinioneve më të forta në studio ishte ai se pjesa më e madhe e personazheve të përmendur mund të mos arrijnë të rezistojnë gjatë në shtëpinë e Big Brother.

“Unë do të thoja kështu: 80% prej atyre dalin javën e parë, maksimumi të dytën, mos më bëj të vendos gishtat. Bujari nuk e mban atë izolimin. Kur hyn brenda ka një tjetër atmosferë aty.”, u shpreh Ardi.

Ndërsa për Mira Konçin u diskutua se mosha dhe angazhimet familjare mund ta bënin më të vështirë përballimin e një eksperience të tillë.

Megjithatë, ky mendim u kundërshtua nga të tjerë në studio, të cilët theksuan se mosha nuk duhet të jetë domosdoshmërish një pengesë për të qenë pjesë e formatit.

“Po pse moshën e shihni? Mund të varet nga aftësia, nga ambicia, nga tipi, çfarë karakteri ke?”, ishte kundërargumenti nga Oksana.

Dy emra të tjerë që u komentuan ishin Viola Spiro dhe Deta Kokomani.

Për to u diskutua kryesisht dinamika që mund të krijohej nëse dy personazhe me profile të ndryshme do të përballeshin me të njëjtën eksperiencë.

Nga ana tjetër, u theksua se pjesëmarrja në Big Brother është një eksperiencë e veçantë televizive, që mund të sjellë mundësi të reja për personazhet që vendosin të bëhen pjesë e saj.

Në studio u shpreh dëshira për të parë një grua me eksperiencë jetësore, të realizuar dhe me një histori që mund të shërbejë si frymëzim për të tjerat.

“Do të doja që të ishte ndonjë femër që të tregojë, të motivojë, të ketë një eksperiencë në jetë pozitive për të motivuar sa më shumë femrat”, u shpreh një prej të ftuarave.

Ajo shtoi se shumë gra kanë nevojë për mbështetje emocionale dhe mesazhe pozitive, sidomos në një kohë kur rrjetet sociale krijojnë shpesh pritshmëri të larta dhe jo gjithmonë realiste për jetën e përditshme.

Ndërsa emrat vazhdojnë të përfliten dhe rrjetet sociale janë kthyer në një hapësirë spekulimesh, mbetet për t’u parë se cilat nga këto hamendësime do të rezultojnë të vërteta

Nga Bujar Qamili tek Mira Konçi, dalin emrat e bujshëm! Ja kush pritet të jenë banorët e Big Brother Albania yazısı ilk önce NEWS üzerinde ortaya çıktı.

“Që takimi i ministrit Gogu me Veliajn vjen erë, duket qartë. Ministri mundet të shkojë dhe të kryejë vizita, ka ndodhur ndër vite. Por fakti që Toni Gogu shkoi në 22:30 të mbrëmjes, bëri takim jo duke inspektuar dhe jo në detyrën e ministrit të drejtësisë. Shkoi pa staf, nuk pa ambjentet e përbashkëta.”

Sipas gazetares, Veliaj po përpiqet të paraqitet si i persekutuar politikisht. Ajo tha se edhe takimi me ministrin mund të përdoret në procesin e tij në Strasburg.

“Erion Veliaj është përpjekur të ndërtojë alibi për ta nxjerrë veten si të persekutuar politikisht, e dini ka patur sulm ndaj drejtësisë. Por fakti që sot mes ministrit të drejtësisë dhe Veliajt ka ndodhur një takim në zyrën e drejtorit, takim që nëse do të ishte lajmëruar nga Gogu do të ishte gjë normale, më bën të dyshoj se diçka ka. Patjetër Veliaj do ta përdorë për në Strasburg.”

Lala komentoi edhe pretendimet për shantazh ndaj Veliajt. Ajo theksoi se, nëse këto pretendime janë të vërteta, duhet të bëhet kallëzim penal.

“Historia e një shantazhi të bërë për llogari të kryeministrit, nuk zgjidhet me ditar dhe facebook. Nëse Veliaj ka rënë pre e shantazhit, duhet t’i drejtohet institucioneve dhe të thotë se për çfarë është shantazhuar. E kam pyetur zotin Ndreca përse nuk paraqesin kallëzim penal. Zoti Ndreca nuk dha përgjigje, tha po e diskutojmë. Nuk ka kallëzim penal. Duket sikur Veliaj po e përdor si strategji për shkak se studio ligjore britanike ka hapur proces në Gjykatën Europiane për të drejtat e njeriut.Por edhe Toni Gogu duhet të jepte shpjegime.”

Gazetarja vuri në dyshim edhe besueshmërinë e deklaratave të Veliajt. Ajo iu referua qëndrimeve të tij të mëparshme publike.

“Ai është i njëjti Veliaj që na ka gënjyer te dera SPAK-ut, çfarë prisni ju nga Veliaj? Është ai që diltë në tv duke mbjellë pemë, kur ai ishte në avion.”

Lala u ndal edhe te emri i Arbër Hajdarit, i përmendur në diskutimet për këtë çështje. Ajo tha se përfshirja e tij nuk ka kuptim për shkak të funksionit që mban.

“Zoti Hajdari është përfolur shpesh herë. Por ka një nonsens pasi zoti Shkëlqim Hajdari është prefekt dhe nuk ka kuptim.”

Më tej, gazetarja zbuloi se ndaj Veliajt ka një tjetër hetim të hapur. Sipas saj, SPAK po verifikon transaksionet e kompanisë së vëllait të tij dhe përfitimet e mundshme nga Bashkia e Tiranës.

“Ka një hetim të hapur, patjetër zoti Veliaj mund ta shfrytëzojë pjesën e persekutimit. Ka një çështje Veliaj dy, fraksion i dosjes 2. Po shihen transaksionet e kompanisë së vëllait të tij. Po shihet nëse kjo kompani apo të tjera bashkëlidhur kanë përfituar nga Bashkia Tirana.”

Një tjetër pjesë e hetimit, sipas Lalës, lidhet me udhëtimet e Veliajt jashtë vendit. Po verifikohet organizimi i tyre dhe personat që e kanë shoqëruar.

“Janë marrë të gjithë udhëtimet e Veliajt jashtë vendit, për të parë si kanë qenë, a kanë qenë të planifikuar, kush ka udhëtuar me të.”

Në përfundim, Lala tha se dosja vijon të jetë e hapur dhe nuk përjashtohet mundësia e akuzave të reja ndaj kryebashkiakut.

“Kjo dosje po vijon. Fakti që ndaj Veliajt mund të ketë akuza të reja”, tha Lala.

SPAKU apo Rama? Bëhet gati “fundosja” finale ndaj Erjon Veliaj! yazısı ilk önce NEWS üzerinde ortaya çıktı.

Hasani, siç mëson Zoom.al, është mike e Vlora Hysenit, ish -drejtoreshës që ndodhet në arrest shtëpie, pasi SPAK e akuzon për nxjerrje të sekreteve shtetërore dhe bashkëpunim me Ergys Agasin. Ajo ishte emëruar shefe e Departamentit Mbështetës në SHISH pak kohë më parë nga Hyseni.

Esmeralda Hasani vjen nga një karrierë që ndërthur mësimdhënien universitare, drejtimin e instituteve dhe këshillimin pranë institucioneve qeveritare. Profili i saj publik lidhet kryesisht me të drejtën europiane, projektet e zhvillimit, sigurimin e financimeve dhe politikat për diasporën.

Ajo prezantohet nëpër forume të ndryshme si konsulente e lartë pranë Zyrës së Kryeministrit për planifikimin e projekteve dhe sigurimin e financimeve. Sipas këtij prezantimi, Hasani është diplomuar në të drejtën ndërkombëtare në Milano dhe ka kryer një master për planifikimin dhe zhvillimin e projekteve në Innovation Business School, në Bruksel. Angazhimi i saj në mësimdhënie përfshin të drejtën europiane dhe procesin e integrimit të Shqipërisë në Bashkimin Europian.

Një pjesë të përvojës profesionale e ka ndërtuar në institucionet e lidhura me Universitetin Barleti. Gjatë periudhës shtator 2015–shtator 2019 ka drejtuar Institutin për Kërkim dhe Zhvillim Barleti, për të kaluar më pas në drejtimin e Institutit Adriapol. Broshura zyrtare e Universitetit Barleti për vitin 2022 e rendit si drejtoreshë ekzekutive të Adriapolit, i angazhuar në kërkim, projekte arsimore, konsulencë dhe iniciativa zhvillimi.

Përvoja në administratën qeveritare përfshin edhe punën pranë ministrit të Shtetit për Diasporën. Në periudhën 2017–2018, Hasani ka shërbyer si këshilltare dhe shefe kabineti. Biografia profesionale i atribuon angazhim në hartimin e projektit për përfshirjen e diasporës shqiptare në zhvillimin social dhe ekonomik të Shqipërisë, si dhe bashkëpunim me misionin e Organizatës Ndërkombëtare për Migracionin për zhvillimin e projekteve.

Përfshirja e saj në strukturat e diasporës dokumentohet edhe nga urdhri i 25 shtatorit 2018, që e emëron në organin drejtues të Agjencisë Kombëtare të Diasporës si përfaqësuese të ministrit të Shtetit për Diasporën.

Në veprimtarinë studimore, Hasani ka trajtuar edhe çështje që lidhen me sigurinë. Ajo është bashkautore, me Edlira Gjolleshin dhe Saimir Kapllanin, e studimit të janarit 2023 për kuadrin ligjor dhe institucional shqiptar kundër ekstremizmit të dhunshëm në hapësirën kibernetike.

Kreu i SHISH-it emërohet nga Presidenti i Republikës, me propozim të Kryeministrit. Sipas burimeve të Zoom.al, kryeministri Edi Rama i ka propozuar tashmë Presidentit të emërimin e Esmeralda Hasanit si pasuese e Vlora Hyesnit, edhe ajo ish -këshilltare e Ramës, që tani ndodhet në arrest shtëpie si bashkëpunëtore e Ergys Agasit.

Komunikimet telefonike tregonin se ajo, teksa ishte në krye të Shërbimit Informativ, mbante kontakte të vazhdueshme me Agasin ndërkohë që ai ishte në kërkim nga SPAK. Apeli i GJKKO e la Hyenin të mërkurën në masën e arrestit shtëpiak, që kishte vendosur shkalla e pare. /Zoom.al

Esmeralda Hasani në krye të SHISH-it? Kush është yazısı ilk önce NEWS üzerinde ortaya çıktı.

Një nga ndryshimet kryesore është përcaktimi i kategorisë “resort miks”, ku krahas hoteleve dhe ambienteve turistike mund të ndërtohen edhe apartamente apo vila për banim. Sipas vendimit 60% e sipërfaqes totale të ndërtimit duhet ti përkasin turizmit, ndërsa pjesa rezidenciale nuk mund të kalojë 40%.

Ndërsa projektet e reja duhet të pajiset me një certifikatë paraprake kategorizimi nga ministria përgjegjëse për turizmin, përpara marrjes së lejes së ndërtimit. Ky dokument do të konfirmojë përputhshmërinë e projektit me kategorinë turistike të propozuar, por nuk zëvendëson lejen e ndërtimit.

Ndërkohë apartamentet, vilat dhe dhomat e parashikuara për akomodim turistik do të jetë pjesë e resortit dhe do të funksionojnë në një administrim të përbashkët. Ndërsa sa i përket banesave të projektuara jashtë strukturës së resortit, nuk mund të ofrohen për akomodim turistik.

V E N D I M PËR PËRCAKTIMIN E KATEGORIVE TË STRUKTURAVE AKOMODUESE

Në mbështetje të nenit 100 të Kushtetutës dhe të pikës 2, të nenit 43/1, të ligjit nr.93/2015, “Për turizmin”, të ndryshuar, me propozimin e ministrit të Turizmit, Kulturës dhe Sportit, Këshilli i Ministrave

V E N D O S I:

1. Ky vendim përcakton kategoritë e strukturave akomoduese, sipas tipologjisë, funksionit, mënyrës së organizimit dhe karakteristikave të shërbimit të akomodimit, si dhe kriteret e projektimit e të ndërtimit për projektet e integruara të kategorisë. Këto kritere verifikohen edhe gjatë procedurës së kategorizimit paraprak, sipas legjislacionit në fuqi për turizmin.

2. Për qëllime të këtij vendimi, termat e mëposhtëm kanë këto kuptime:

a) “Certifikatë paraprake kategorizimi”, dokumenti i lëshuar nga ministria përgjegjëse për turizmin, përpara miratimit të lejes së ndërtimit për strukturën akomoduese, i cili përcakton kategorinë e propozuar dhe vërteton përputhshmërinë e projektit me kriteret e kategorisë përkatëse, pa zëvendësuar lejen e ndërtimit ose aktet e tjera të kërkuara nga legjislacioni në fuqi;

b) “Apart-hotel”, struktura akomoduese e përbërë nga apartamente të destinuara për akomodim turistik, të cilat mund të jenë në pronësi individuale dhe ofrojnë shërbime të përbashkëta në funksion të turizmit, nën të njëjtin administrim e menaxhim, me recepsion ose pritje të përbashkët;

c) “Resort miks”, zhvillimi i integruar, i paraqitur për certifikim paraprak, që përfshin një strukturë akomoduese të kategorisë “resort”, njësi me funksion rezidencial, si dhe ambiente, shërbime dhe infrastrukturë të përbashkët në funksion të zhvillimit;

ç) “Komponent turistik”, tërësia e sipërfaqeve të ndërtimit të strukturës akomoduese të kategorisë “resort” dhe e sipërfaqeve të tjera të destinuara ekskluzivisht për funksione dhe shërbime turistike;

d) “Komponent rezidencial”, tërësia e sipërfaqeve të ndërtimit të objekteve, të njësive ose të pjesëve të objekteve të destinuara për funksion rezidencial;

dh) “Sipërfaqe totale e ndërtimit”, shuma e sipërfaqeve të ndërtimit, që rezultojnë nga dokumentacioni teknik i projektit për komponentin përkatës, të llogaritura sipas legjislacionit në fuqi për planifikimin dhe zhvillimin e territorit;

e) “Pjesë e objektit”, pjesa funksionalisht e dallueshme e një objekti me përdorim të përzier, sipërfaqja e së cilës, në bazë të dokumentacionit teknik të projektit dhe përdorimit të dokumentuar, i ngarkohet komponentit turistik ose komponentit rezidencial, sipas rastit, në përputhje me dokumentacionin e miratuar sipas legjislacionit në fuqi për planifikimin dhe zhvillimin e territorit.

3. Strukturat akomoduese kategorizohen, si më poshtë vijon:

a) “Bujtinë” (shtëpi pritëse);

b) “Fjetinë” (hostel);

c) “Kamping”;

ç) “Hotel”;

d) “Motel”;

dh) “Resort”;

e) “Qendër kurative”;

ë) “Fjetje dhe mëngjes” (B&B);

f) “Apart-hotel”;

g) “Strukturë akomoduese e trashëgimisë kulturore”;

gj) “Resort miks”, si nënkategori e kategorisë “resort”, vetëm për qëllime të certifikimit paraprak të zhvillimit të integruar.

4. Për kategoritë e parashikuara në pikën 3 të këtij vendimi, termat e përkufizuar në ligjin nr.93/2015, “Për turizmin”, të ndryshuar, kanë kuptimin e dhënë në këtë ligj. Për kategoritë dhe termat e përkufizuar në pikën 2 të këtij vendimi zbatohen përkufizimet e kësaj pike.

5. Apartamentet, vilat e dhomat brenda zhvillimit “resort miks” trajtohen sipas destinacionit të përcaktuar në dokumentacionin e miratuar të projektit. Kur janë të destinuara për akomodim turistik, ato përfshihen në komponentin turistik dhe në strukturën e kategorisë “resort”, nën administrimin e përbashkët të saj, pa u kategorizuar veçmas. Kur janë të destinuara për funksion rezidencial, për ndryshimin e destinacionit ose përdorimit të tyre, zbatohen pikat 17 e 18 të këtij vendimi.

6. Në projektet e reja, apartamentet, vilat e dhomat, që parashikohen për akomodim turistik, nuk kategorizohen si struktura të veçanta. Ato përfshihen në komponentin turistik të një strukture të kategorisë “resort”, përfshirë zhvillimin “resort miks”, dhe mbulohen nga certifikata e saj. Njësitë e projektuara si banesa, jashtë një strukture të tillë, nuk mund të ofrohen si akomodim turistik pa u përfshirë në një projekt që plotëson kërkesat e kategorisë “resort”, sipas legjislacionit në fuqi.

7. Hoteli i shpërndarë mund të organizohet brenda kategorisë “resort”, përfshirë komponentin turistik të zhvillimit “resort miks”, kur plotëson njëkohësisht përkufizimin e hotelit të shpërndarë dhe përkufizimin e resortit, sipas pikave 61 e 28, të nenit 4, të ligjit nr.93/2015, “Për turizmin”, të ndryshuar. Njësitë e tij ndodhen në ndërtesa ekzistuese, afër njëra-tjetrës, nën menaxhimin e të njëjtit sipërmarrës turistik, dhe përfshihen në organizimin e administrimin e përbashkët të resortit. Kategorizimi kryhet për resortin në tërësi. Emërtimi “hotel i shpërndarë” nuk zëvendëson plotësimin e kërkesave të kategorisë “resort”. Për strukturat e certifikuara më parë zbatohen përcaktimet e pikës 21 të këtij vendimi.

8. Çdo subjekt zhvillues, përpara miratimit të lejes së ndërtimit për strukturë akomoduese nga organi përgjegjës, pajiset me certifikatë paraprake kategorizimi, në përputhje me pikën 1/1, të nenit 43/1, të ligjit nr.93/2015, “Për turizmin”, të ndryshuar. Kushtet, kriteret, afatet e procedura e kategorizimit, përfshirë kategorizimin paraprak, përcaktohen në rregulloren e miratuar nga ministri përgjegjës për turizmin, sipas pikës 6, të nenit 43/1, të ligjit nr.93/2015, “Për turizmin”, të ndryshuar.

9. Për projektin e kategorisë “resort miks”, komponenti turistik dhe komponenti rezidencial përcaktohen, identifikohen e paraqiten në mënyrë të dallueshme në dokumentacionin e projektit, në përputhje me legjislacionin në fuqi për planifikimin dhe zhvillimin e territorit.

10. Në zhvillimin e kategorisë “resort miks”, sipërfaqja totale e ndërtimit e komponentit turistik duhet të jetë jo më e vogël se 60 (gjashtëdhjetë) për qind e shumës së sipërfaqeve totale të ndërtimit të komponentit turistik dhe të komponentit rezidencial. Sipërfaqja totale e ndërtimit e komponentit rezidencial nuk duhet të jetë më e madhe se 40 (dyzet) për qind e kësaj shume.

11. Për llogaritjen e raportit të përcaktuar në pikën 10 të këtij vendimi:

a) në komponentin turistik përfshihen sipërfaqet totale të ndërtimit të strukturës akomoduese të kategorisë “resort” dhe sipërfaqet e tjera të destinuara ekskluzivisht për funksione dhe shërbime turistike;

b) në komponentin rezidencial përfshihen sipërfaqet totale të ndërtimit të objekteve, të njësive ose të pjesëve të objekteve të destinuara për funksion rezidencial;

c) sipërfaqet e ambienteve, shërbimeve dhe infrastrukturës së përbashkët, që u shërbejnë njëkohësisht komponentit turistik dhe komponentit rezidencial dhe nuk mund të ndahen objektivisht sipas përdorimit, u shpërndahen të dy komponentëve në përpjesëtim me sipërfaqet e identifikuara drejtpërdrejt për secilin komponent;

ç) sipërfaqet që, pavarësisht emërtimit në projekt, i shërbejnë kryesisht njërit komponent ose përdorimi i të cilave mund të ndahet në mënyrë objektive, i ngarkohen komponentit përkatës ose ndahen ndërmjet komponentëve në përpjesëtim me përdorimin e dokumentuar. Asnjë sipërfaqe ndërtimi e zhvillimit nuk përjashtohet nga llogaritja e raportit.

12. Dokumentacioni i projektit “resort miks” përmban tabelën e sipërfaqeve për çdo objekt, kat e funksion, identifikimin e sipërfaqeve të komponentit turistik, të komponentit rezidencial dhe të sipërfaqeve të përbashkëta, mënyrën e shpërndarjes së këtyre të fundit, si dhe përllogaritjen e raportit, sipas pikave 10 e 11 të këtij vendimi. Tabela dhe përllogaritja nënshkruhen nga projektuesi përgjegjës dhe nga subjekti zhvillues.

13. Raporti i përcaktuar në pikën 10 të këtij vendimi llogaritet vetëm mbi sipërfaqen totale të ndërtimit.

14. Përcaktimet e pikave 9 – 13 të këtij vendimi zbatohen pa cenuar përdorimin e lejuar të tokës, intensitetin e ndërtimit, koeficientin e shfrytëzimit të tokës për ndërtim, lartësinë, distancat dhe treguesit e tjerë të zhvillimit, të përcaktuar në dokumentet e planifikimit apo në rregulloret e veçanta të miratuara nga KKTU-ja.

15. Certifikata paraprake e kategorizimit vlerëson përputhshmërinë e projektit me kategorinë turistike të propozuar. Ajo nuk krijon të drejtë ndërtimi, nuk zëvendëson lejen e ndërtimit dhe nuk kufizon kompetencat e autoritetit përgjegjës për zhvillimin e territorit.

16. Çdo ndryshim i projektit, i aplikuar pas hyrjes në fuqi të këtij vendimi, përpara ose gjatë ndërtimit të strukturës, që prek kategorinë e propozuar, ndarjen funksionale të komponentëve ose raportin e përcaktuar në pikën 10 të këtij vendimi, u nënshtrohet paraprakisht ndryshimit të certifikatës paraprake të kategorizimit dhe, sipas rastit, procedurave për ndryshimin e lejes së ndërtimit, sipas legjislacionit në fuqi.

17. Pas përfundimit të ndërtimit të zhvillimit “resort miks”, procedurës së kategorizimit dhe të klasifikimit si strukturë akomoduese i nënshtrohet vetëm komponenti turistik i kategorisë “resort”, duke përfshirë apartamentet, vilat dhe dhomat e destinuara për akomodim turistik, si dhe hotelin e shpërndarë, të organizuar sipas pikës 7 të këtij vendimi. Njësitë e komponentit rezidencial nuk kategorizohen e nuk klasifikohen si pjesë e strukturës akomoduese, përveçse kur përdoren për akomodim turistik dhe plotësojnë kërkesat e legjislacionit në fuqi për turizmin.

18. Ndryshimi i destinacionit ose i përdorimit të njësive të komponentit rezidencial për qëllime akomodimi turistik kryhet vetëm pas përmbushjes së kërkesave të legjislacionit për turizmin dhe të legjislacionit për planifikimin dhe zhvillimin e territorit. Pas miratimit të ndryshimit, njësitë përfshihen në komponentin turistik dhe në administrimin e strukturës së kategorisë “resort”, pa u kategorizuar veçmas si “akomodim turistik në banesa”, dhe ndryshimi reflektohet në dokumentacionin e projektit dhe në përllogaritjen e raportit sipas pikave 10 e 11 të këtij vendimi.

19. Për strukturat akomoduese, për të cilat është lëshuar dokumenti i lejes së ndërtimit nga autoriteti kompetent përpara hyrjes në fuqi të ligjit nr.83/2026, nuk kërkohet certifikatë paraprake kategorizimi. Këto struktura u nënshtrohen kategorizimit dhe, kur zbatohet, klasifikimit, sipas legjislacionit në fuqi për turizmin, përpara fillimit të ushtrimit të veprimtarisë.

20. Strukturat akomoduese, për të cilat nuk është lëshuar ende dokumenti i lejes së ndërtimit nga autoriteti përgjegjës përpara hyrjes në fuqi të ligjit nr.83/2026, i nënshtrohen kategorizimit për marrjen e certifikatës paraprake.

21. Certifikatat e kategorizimit të lëshuara përpara hyrjes në fuqi të këtij vendimi, përfshirë certifikatat për kategoritë “apartament”, “vilë”, “dhomë”, “bllok apartamentesh” dhe “hotel i shpërndarë” ruajnë vlefshmërinë e tyre, në përputhje me legjislacionin në fuqi për turizmin. Njësitë e akomodimit turistik të pajisura me këto certifikata vijojnë ushtrimin e veprimtarisë sipas kategorisë së certifikuar, duke përmbushur detyrimet e parashikuara në legjislacionin në fuqi për ushtrimin e veprimtarisë së akomodimit turistik.

22. Kërkesat e reja për kategorizim shqyrtohen sipas kategorive të përcaktuara në këtë vendim. Kur projekti parashikon apartamente, vila, dhoma ose bllok apartamentesh për akomodim turistik, ato identifikohen në komponentin turistik të strukturës së kategorisë “resort”, përfshirë “resort miks”, dhe nuk kategorizohen veçmas. Kushtet, kriteret, afatet e procedurat e kategorizimit përcaktohen në rregulloren e miratuar nga ministri përgjegjës për turizmin, në zbatim të pikës 6, të nenit 43/1, të ligjit nr.93/2015, “Për turizmin”, të ndryshuar.

23. Ngarkohet Ministria e Turizmit, Kulturës dhe Sportit për zbatimin e këtij vendimi.

Ky vendim hyn në fuqi pas botimit në “Fletoren zyrtare”.

Qeveria bën ndryshimin e fortë për ndërtimet: Certifikatë e detyrueshme para yazısı ilk önce NEWS üzerinde ortaya çıktı.

Autoritetet serbe kanë arrestuar një 25-vjeçar me shtetësi turke, i cili dyshohet për përfshirje në këtë rast dhe po hetohet nën dyshimet për vrasje.

Sipas autoriteteve, trupi i pajetë u zbulua mbrëmjen e së enjtes nga banorë të zonës pranë një kanali në Padinska Skela, në afërsi të Beogradit. Menjëherë pas njoftimit, në vendngjarje dolën njësitë policore dhe ekspertët e mjekësisë ligjore, të cilët nisën ekzaminimet për identifikimin e viktimës dhe zbardhjen e rrethanave të ngjarjes.

Pas procedurave mjeko-ligjore, viktima u identifikua si Lyudmila Turkova, 28 vjeçe, shtetase ruse, e cila ishte shpallur e zhdukur disa ditë më parë. Sipas mediave serbe, familjarët dhe miqtë e saj kishin humbur kontaktet me të që nga mbrëmja e 25 korrikut, çka kishte çuar në raportimin e zhdukjes dhe nisjen e kërkimeve nga autoritetet.

Hetimet paraprake kanë ngritur dyshime se krimi ka ndodhur në orët e para të 26 korrikut, në një apartament me qira në lagjen Borça të Beogradit. Sipas dyshimeve të deritanishme të hetuesve, viktima është vrarë në atë banesë, ndërsa më pas trupi i saj është futur në një valixhe dhe është transportuar deri në Kanalin Vizelj, ku është lënë me qëllim fshehjen e gjurmëve të ngjarjes.

Në kuadër të hetimeve intensive, Policia serbe identifikoi si të dyshuar kryesor një shtetas turk 25-vjeçar. Sipas Ministrisë së Brendshme të Serbisë, ai u arrestua në Aeroportin Ndërkombëtar të Beogradit, ndërsa po përpiqej të largohej nga vendi. Autoritetet nuk kanë bërë publik identitetin e tij, ndërsa ai pritet të përballet me procedurat ligjore në vazhdim.

Prokuroria kompetente ka marrë drejtimin e hetimeve dhe po punon për të sqaruar plotësisht motivin e ngjarjes, marrëdhënien mes viktimës dhe të dyshuarit, si dhe të gjitha rrethanat që çuan në këtë krim.

Ndërkohë, ekspertët kriminalistikë kanë sekuestruar prova materiale nga banesa ku dyshohet se ndodhi ngjarja, si dhe nga vendi ku u gjet trupi, të cilat do t’i nënshtrohen analizave laboratorike për të ndihmuar në zbardhjen e plotë të rastit.

Vdekja e 28-vjeçares ka shkaktuar reagime të shumta në Serbi dhe në Rusi, ndërsa mediat vendase raportojnë se hetimet po vazhdojnë me intensitet të lartë për të ndërtuar kronologjinë e plotë të ngjarjes.

Autoritetet serbe kanë bërë të ditur se do të publikojnë informacione të tjera sapo hetimet të avancojnë, ndërsa i dyshuari konsiderohet i pafajshëm derisa përgjegjësia e tij eventuale të provohet me vendim të formës së prerë të gjykatës.
E zhdukur prej ditësh, kjo eshte 28-vjeçarja qe u gjet e pajetë në një valixhe

kjo eshte 28-vjeçarja qe u gjet e pajetë yazısı ilk önce NEWS üzerinde ortaya çıktı.

Ngjarja ka ndodhur rreth orës 22:30, brenda një apartamenti në lagjen Bit Pazar, ndërsa sipas informacioneve paraprake të autoriteteve të Maqedonisë së Veriut, gjithçka dyshohet se nisi nga një konflikt mes bashkëshortëve.

Sipas të dhënave të para, 52-vjeçari me inicialet E.L., i cili dyshohet se ishte nën ndikimin e alkoolit, kishte ushtruar dhunë ndaj bashkëshortes së tij 54-vjeçare.

Situata brenda banesës dyshohet se u përshkallëzua, ndërsa në konflikt ndërhyri edhe djali i çiftit, 31-vjeçari me inicialet B.Xh.

Në rrethana që tashmë janë objekt i hetimeve, i riu dyshohet se gjatë përplasjes e goditi të atin me thikë. Si pasojë e plagëve të marra, 52-vjeçari nuk arriti të mbijetonte dhe vdekja e tij u konstatua në vendngjarje.

Pas njoftimit për incidentin, në adresën ku kishte ndodhur ngjarja mbërritën njësitet policore dhe ekipet e tjera kompetente.

Rreth orës 23:00, Policia arrestoi 31-vjeçarin B.Xh., nën dyshimin për përfshirje në vdekjen e babait të tij. Ai pritet të merret në pyetje lidhur me rrethanat që çuan në përplasjen fatale.

Ndërkohë, nëna e të dyshuarit, e cila sipas informacioneve paraprake kishte pësuar lëndime gjatë konfliktit, është dërguar për trajtim në Spitalin e Përgjithshëm të Qytetit “Shën Naum i Ohrit” në Shkup.

Autoritetet po hetojnë të gjithë dinamikën e ngjarjes, përfshirë atë që ka ndodhur para ndërhyrjes së 31-vjeçarit dhe rrethanat e sakta në të cilat është përdorur thika.

Me urdhër të Prokurorisë, trupi i pajetë i 52-vjeçarit është dërguar për ekspertizë mjeko-ligjore, e cila pritet të japë të dhëna të mëtejshme për hetimin.

Hetuesit pritet gjithashtu të mbledhin dëshmi dhe prova të tjera nga banesa për të rindërtuar kronologjinë e plotë të konfliktit dhe për të përcaktuar përgjegjësinë penale.

Rasti mbetet nën hetim, ndërsa pritet që autoritetet e Maqedonisë së Veriut të japin informacione të tjera pas përfundimit të veprimeve fillestare procedurale.

Djali vret babain e tij, zbardhën detajet

Djali babain e tij, zbardhën detajet yazısı ilk önce NEWS üzerinde ortaya çıktı.

Kjo dëftesë vlerësimi, siç e cilëson shefi i qeverisë, pritet të lexohet nga ekzekutivi në të dyja anët e medaljes: progresin dhe kritikat. Shefja e diplomacisë evropiane në Tiranë tregoi dy pikat e dobëta: korrupsionin dhe polarizimin politik.

Dhuna në protesta dënohet edhe nga Brukseli, si në raport ashtu edhe përballë gazetarëve, por qeverisë i kërkohet të eksplorojë rrugët që çojnë në zgjidhje përmes dialogut.

Përpos faktorëve të huaj, Rama e pranon se shkaku kryesor i protestave është i brendshëm, por thekson për të disatën herë mesazhin e prerë se largim me dhunë nuk ka.

Rama pretendon se studentët po e refuzojnë dialogun për shkak të frikës se mund të bullizohen nga protestuesit e tjerë. Për këtë ka gjetur një zgjidhje. Siç e kërkon protokolli, dokumentin për vlerësimin vjetor të Shqipërisë, ambasadorja e BE-së ia dorëzoi edhe Presidentit të Republikës.

Shqipëria merr “OK”/ Kush është “mesazhi” fantastik që mori Edi Rama nga Bashkimi Europian …

Kush është “mesazhi” që mori Edi Rama nga Bashkimi Europian yazısı ilk önce NEWS üzerinde ortaya çıktı.

Në postimin e tij, Thaçi shkruan fjalët prekëse, teksa shpreh se nga akuzat e caktuar do të dalë i pastër. Ndër të tjera, ish-presidenti dërgon përqafime virtuale, për të gjithë mbështetësit e tij.

“Dua t’ju shtrëngoj dorën secilit nga ju, t’ju përqafoj të gjithëve dhe t’ju siguroj se do të dalë me çdo qelizë time të pastër si loti në fund të këtij rrugëtimi, që vazhdon me ju dhe për ju!”, shkruan Thaçi në postimin e tij në Facebook.

Kujtojmë se Hashim Thaçi është shpallur fajotr më 16 shtator të 2026-tës nga Gjykata Speciale në Hagë, të cilët e dënuan me 25 vjet burgim, duke e caktuar si përgjegjës për krime që përfshijnë vrasje, torturë, trajtim mizor dhe ndalim të paligjshëm, të kryera gjatë luftës në Kosovë.

“Në emër të popullit të Kosovës, pasi janë shqyrtuar provat, argumentet dhe faktet, trupi gjykues ju shpall juve Hashim Thaçi, fajtor për arrestim të paligjshëm kundër së paku 385 personave, trajtim mizor kryer së paku kundër 49 personave, torturë si krim lufte, kryer së paku 303 personave, dhe vrasje të paligjshme si krim lufte, kryer së paku ndaj 96 personave.

Trupi gjykues ju shpall të pafajshëm për një sërë incidentesh apo krimesh, që nuk janë provuar.

Trupi gjykues ju shpall të pafajshëm për krime kundër njerëzimit, torturës, sipas pikave të aktgjykimit.

Zoti Thaçi, duke qenë se jeni shpallur fajtor për më shumë se 1 krim, trupi gjykues ka shpallur dënime më vete për secilin. Trupi gjykues ka vendosur dënim me 15 vjet burgim për arrestim të paligjshëm, 4 vjet për trajtim mizor dhe dënim me 20 vite për torturë, dhe dënim për 23 vite për vrasje të paligjshme.

Trupi gjykues ju dënon me dënim të unifikuar me 25 vite. Në këtë, llogaritet koha e kaluar në paraburgim”, u shpreh ndër të tjera gjyqtari.

Hashim Thaçi reagon për herë të parë pas vendimit të Hagës, jep PREMTIMIN prekës yazısı ilk önce NEWS üzerinde ortaya çıktı.

Megjithatë, kjo gjendje nuk do të zgjasë përgjatë gjithë muajit. Energjia do të fillojë të ndryshojë dhe ritmi do të përshpejtohet, ndaj të gjitha shenjat e zodiakut duhet të jenë të përgatitura për të vepruar. Horoskopi financiar i nëntorit 2026 sjell ndryshime të rëndësishme astrologjike, të cilat mund të ndikojnë në karrierën dhe gjendjen tuaj ekonomike.

Dashi

Gjatë dy javëve të para të nëntorit, prapavija e Mërkurit do t’ju bëjë të përqendroheni te çështjet më të ndërlikuara financiare. Mund të jetë koha të rishikoni detyrimet, borxhet dhe marrëveshjet që keni lënë pezull.

Hëna e Re e datave 8 dhe 9 nëntor krijon një mundësi të mirë për të marrë paratë që ju detyrohen të tjerët ose për të shlyer më në fund një borxh që ju ka rënduar prej kohësh. Përpiquni të bëheni më të pavarur financiarisht dhe të thjeshtoni mënyrën si i menaxhoni të ardhurat dhe shpenzimet.

Hëna e Plotë, rreth dy javë më vonë, do të hapë rrugë për komunikime të reja dhe biseda të rëndësishme në punë. Mund të lindin ide të guximshme dhe të pazakonta, të cilat mund t’ju ndihmojnë të përparoni profesionalisht.

Gjithashtu, hyrja e Marsit në sektorin tuaj të produktivitetit më 25 nëntor do t’ju japë motivimin e nevojshëm për t’u organizuar, për të përfunduar detyrat e mbetura dhe për të marrë kontrollin e përgjegjësive tuaja.

Demi

Lëvizja e prapambetur e Afërditës ju vendos në një periudhë rivlerësimi të prioriteteve, veçanërisht kur bëhet fjalë për energjinë, kohën dhe burimet tuaja financiare.

Në mesin e muajit, kushtojini kohë riorganizimit të orarit dhe ndryshimit të rutinës profesionale, në mënyrë që ajo të përputhet më mirë me synimet tuaja aktuale për karrierën dhe financat.

Hëna e Plotë më 24 nëntor ju nxit të mendoni jashtë skemave të zakonshme kur bëhet fjalë për menaxhimin e parave. Mund të tërhiqeni nga një mundësi financiare më pak tradicionale ose nga një investim interesant, por që mbart edhe rrezik më të madh.

Ndoshta ka ardhur momenti të tregoheni më të guximshëm dhe të shqyrtoni mundësi që më parë nuk do t’i kishit marrë në konsideratë. Ndonjëherë, dalja nga zona e rehatisë mund të sjellë përfitimet më të mëdha, por mos harroni të vlerësoni me kujdes çdo rrezik përpara se të merrni një vendim.

Binjakët

Prapavija e Mërkurit mund t’ju prishë disi planet dhe orarin gjatë gjysmës së parë të nëntorit. Për këtë arsye, është mirë të lini më shumë hapësirë kohore kur caktoni takime dhe të kontrolloni dy herë hollësitë e afateve tuaja profesionale.

Hëna e Re e datave 8 dhe 9 nëntor mund t’ju frymëzojë të gjeni mënyra më efikase, krijuese dhe produktive për të punuar. Gjithë mesi i muajit është një periudhë e mirë për t’i vënë në zbatim këto ide dhe për të eksperimentuar me një mënyrë të re organizimi.

Hëna e Plotë në shenjën tuaj më 24 nëntor do të nxjerrë në pah talentet tuaja më të veçanta dhe aftësitë që ju dallojnë nga të tjerët.

Mos kini frikë të jeni ndryshe. Pikërisht origjinaliteti juaj mund t’ju sjellë më shumë vlerësim dhe respekt në ambientin profesional. Sa më shumë të tregoni personalitetin dhe aftësitë tuaja, aq më shumë mundësi të reja mund të tërhiqni drejt vetes.

Gaforrja

Këtë muaj do të keni shumë motivim për të ndjekur synimet tuaja financiare, por bëni kujdes të mos e teproni me entuziazmin apo vetëbesimin.

Nëse vazhdoni të përsërisni të njëjtat gabime dhe të merrni të njëjtat vendime, ekziston rreziku të gjendeni vazhdimisht në të njëjtat situata financiare. Ndoshta ka ardhur koha të shqyrtoni një rrugë tjetër drejt suksesit dhe të ndryshoni mënyrën si i trajtoni sfidat.

Me fillimin e sezonit të Shigjetarit, më 21 dhe 22 nëntor, do të jeni më të përqendruar te puna dhe produktiviteti. Do të ndieni nevojën të organizoheni dhe t’i kushtoni më shumë vëmendje përgjegjësive tuaja.

Ditët e fundit të muajit janë veçanërisht të rëndësishme për të ndërtuar reputacionin tuaj dhe për të treguar aftësitë profesionale. Përkushtimi, disiplina dhe mënyra si i përmbushni detyrat do të lënë përshtypjen më të madhe. Është momenti të tregoni çfarë jeni në gjendje të bëni.

Luani

Motivimi do të jetë në anën tuaj gjatë nëntorit dhe, nëse jeni të gatshëm të dilni përtej kufijve të zakonshëm, mund të zbuloni se mundësitë për bollëk dhe përparim janë më të shumta nga sa mendonit.

Përqendrohuni te largimi i pengesave emocionale që mund t’ju bëjnë të dyshoni në ambiciet tuaja ose në aftësinë për të pasur sukses. Mos lejoni që pasiguritë t’ju pengojnë të ndiqni atë që dëshironi.

Kur Marsi, planeti i veprimit dhe ambicies, të hyjë në sektorin tuaj financiar më 25 nëntor, do të jetë koha për t’u marrë më seriozisht me shifrat.

Përdoreni javën e fundit të muajit për të hartuar një buxhet personal, për të rishikuar financat përpara festave dhe për të planifikuar blerjet e periudhës së uljeve të çmimeve të nëntorit.

Sa më të organizuar të jeni me paratë, aq më të përgatitur do të ndiheni për shpenzimet që ju presin.

Virgjëresha

Prapavija e Afërditës po ndryshon mënyrën si i shihni financat tuaja. Në mesin e muajit mund të kuptoni më qartë se cilat gjëra ia vlejnë vërtet kohën, energjinë dhe paratë tuaja.

Shfrytëzojeni këtë periudhë për të rishikuar shpenzimet dhe për të identifikuar çdo çekuilibër në mënyrën si i menaxhoni të ardhurat. Mund të jetë koha të hiqni dorë nga disa zakone financiare që nuk ju shërbejnë më.

Hëna e Plotë më 24 nëntor sjell një moment të rëndësishëm zhvillimi në karrierë. Nëse keni menduar të dilni nga mënyra e zakonshme e të punuarit dhe të provoni diçka më pak tradicionale, kjo mund të jetë periudha e duhur.

Situata bëhet edhe më interesante një ditë më vonë, kur Marsi hyn në shenjën tuaj. Kjo lëvizje astrologjike mund t’ju japë më shumë vetëbesim, energji dhe vendosmëri për të arritur synimet tuaja. Përfitoni nga kjo periudhë për të marrë iniciativa dhe për të treguar aftësitë që keni.

Peshorja

Nëse planifikoni të bëni blerje për dhuratat e festave gjatë dy javëve të para të nëntorit, sigurohuni që të ruani faturat.

Prapavija e Mërkurit mund të sjellë ngatërresa në hollësitë e transaksioneve dhe të krijojë paqartësi në çështjet tuaja financiare. Për këtë arsye, shmangni vendimet e nxituara dhe prisni gjysmën e dytë të muajit për të hartuar një buxhet të ri ose për të ndërmarrë hapa të rëndësishëm financiarë.

Hëna e Plotë më 24 nëntor është veçanërisht e favorshme për të shqyrtuar mundësitë e arsimimit të mëtejshëm ose për të marrë kualifikime që mund t’ju ndihmojnë të siguroni një punë më të paguar.

Mendoni se cila fushë ju ngjall më shumë interes dhe entuziazëm. Ajo mund të jetë pikërisht pika e nisjes për të hapur dyer të reja në karrierën tuaj dhe për të krijuar mundësi më të mira financiare.

Akrepi

Këtë muaj do të jeni veçanërisht ambiciozë për sa u përket synimeve profesionale dhe duket se fati do të jetë në anën tuaj.

Megjithatë, për të arritur nivelin e suksesit që dëshironi, mund t’ju duhet të përballeni edhe me disa anë të vetes që deri tani i keni shmangur. Mos kini frikë të lini pas identitete, zakone apo mënyra të vjetra të të menduarit që nuk ju ndihmojnë më të përparoni.

Hëna e Re e datave 8 dhe 9 nëntor është një moment i mirë për të rifituar energjinë dhe për të nisur një kapitull të ri.

Çështjet financiare do të marrin më shumë vëmendje me fillimin e sezonit të Shigjetarit. Hënën e Plotë të 24 nëntorit mund ta shfrytëzoni për të shlyer borxhe dhe për të hequr nga vetja detyrime financiare që nuk janë më të nevojshme.

Gjatë ditëve të fundit të muajit, përpiquni të ruani një rutinë të disiplinuar. Ndryshimet pozitive në financa mund të vijnë si rezultat i përpjekjeve të vazhdueshme. Çelësi për ju do të jetë qëndrueshmëria.

Shigjetari

Hëna e Re e datave 8 dhe 9 nëntor mund të mos sjellë menjëherë shumë zhvillime në jetën tuaj profesionale, por mund të shërbejë si një moment i rëndësishëm reflektimi.

Kjo është një mundësi për të kuptuar më mirë se cilët duhet të jenë hapat tuaj të ardhshëm në karrierë. Për pak kohë, përpiquni të mos ndikoheni shumë nga këshillat e të tjerëve dhe dëgjoni më tepër zërin tuaj të brendshëm.

Me fillimin e sezonit tuaj të ditëlindjes, vetëbesimi dhe karizma do të jenë më të theksuara. Kjo mund t’ju ndihmojë të negocioni më lehtë dhe të siguroni marrëveshje më të favorshme.

Përdoreni sharmin dhe aftësitë tuaja komunikuese në avantazhin tuaj.

Ambiciet profesionale do të rriten ndjeshëm duke filluar nga 25 nëntori, kur Marsi ndriçon sektorin tuaj të karrierës. Do të ndiheni më të guximshëm, më të motivuar dhe më të gatshëm për konkurrencë. Është koha të ndiqni synimet tuaja me vendosmëri.

Bricjapi

Gjatë gjysmës së parë të nëntorit mund ta keni të vështirë të lidheni me qëllimin tuaj më të madh profesional. Prapavija e Afërditës do t’ju bëjë të rivlerësoni se cilat përpjekje ia vlejnë vërtet dhe cilat nuk ju sjellin më kënaqësi apo përfitime.

Ndërkohë, prapavija e Mërkurit mund t’i bëjë më të ndërlikuara detyrat që kërkojnë bashkëpunim në grup. Mund të shfaqen vonesa, keqkuptime apo vështirësi në koordinimin me kolegët.

Përpiquni të tregoheni më fleksibël dhe të hapur ndaj bashkëpunimit. Jo çdo gjë duhet të bëhet sipas mënyrës suaj për të arritur një rezultat të mirë.

Hëna e Plotë më 24 nëntor sjell një mundësi për të riorganizuar jetën profesionale. Ajo ju nxit të hiqni dorë nga zakonet e këqija në punë dhe të krijoni një rutinë që përputhet më mirë me mënyrën tuaj individuale të të vepruarit.

Këto ndryshime mund të hapin dyert drejt mundësive të reja profesionale pothuajse menjëherë.

Ujori

Gjatë gjysmës së parë të nëntorit, organizimi i çështjeve profesionale mund të jetë disi i vështirë. Ka gjasa të përballeni me vonesa zhgënjyese, probleme komunikimi ose pengesa në realizimin e planeve tuaja.

Megjithatë, Hëna e Re e datave 8 dhe 9 nëntor mund t’ju ndihmojë ta shihni situatën nga një këndvështrim tjetër. Ndoshta disa pengesa në karrierë nuk janë shenja se duhet të hiqni dorë, por tregues se synimet tuaja kanë nevojë për më shumë kohë për t’u realizuar.

Hëna e Plotë, rreth dy javë më vonë, do t’ju sjellë shumë frymëzim krijues. Këto ide mund t’i përdorni në punën tuaj të përditshme ose t’i ktheni në një projekt personal që mund t’ju sjellë të ardhura.

Nga kjo periudhë deri në fund të muajit është gjithashtu një kohë e mirë për të kërkuar investitorë ose për të gjetur një partner biznesi.

Mos i nënvlerësoni idetë tuaja, pasi një projekt që fillimisht duket vetëm si pasion mund të kthehet në një mundësi të vlefshme profesionale.

Peshqit

Edhe pse energjia e prapavijave mund ta bëjë muajin disi të ndërlikuar, nëntori mbetet një periudhë shumë produktive për ju.

Nëse arrini ta organizoni mirë kohën, do të keni mundësinë të vendosni më shumë rregull në jetën tuaj dhe të krijoni një rutinë më të qëndrueshme.

Megjithatë, për ta arritur këtë, duhet të jeni të gatshëm të hiqni dorë nga disa zakone që mund t’ju pengojnë, veçanërisht ato që lidhen me disiplinën, menaxhimin e kohës dhe shpenzimet.

Fillimi i sezonit të Shigjetarit do t’ju ndihmojë të lidheni më fort me ambiciet tuaja profesionale dhe të shihni të ardhmen me më shumë optimizëm.

Mos kini frikë të ndiqni synimet tuaja me guxim dhe vetëbesim. Përqendrimi tek ajo që ndieni se është vërtet e rëndësishme për ju mund të hapë gjithashtu mundësi të reja për rritje financiare.

Nëntori ju kujton se përparimi nuk vjen vetëm nga puna e palodhur, por edhe nga aftësia për të kuptuar se ku dëshironi të arrini dhe çfarë duhet të ndryshoni për ta realizuar këtë.

Horoskopi i parave për muajin nëntor: Këto shenja të zodiakut do të notojnë në para dhe …

Horoskopi i parave për muajin nëntor yazısı ilk önce NEWS üzerinde ortaya çıktı.