Mira Konçi, e ftuar në një podcast, foli hapur për jetën në SHBA, presionet familjare dhe thashethemet që qarkullojnë për të
Ajo tregoi se ka momente kur komentet e njerëzve e lëndojnë, sidomos kur prekin çështje të pavërteta që nuk lidhen fare me jetën e saj. Sipas saj, ndonjëherë do të donte t’i përgjigjej fort, por zgjedh të ruajë qetësinë edhe kur e revoltojnë.
“Më bën shumë përshtypje të thënurit e gjërave që s’janë fare të vërteta edhe në ato momente them o Zot, domethënë të kem një është ajo shprehja domethënë që “Të kem një grusht të fortë dhe t’i bie malit” nuk e di. Dhe këtë e them, domethënë ka shpërthime të brendshme por që të them që si ka mundësi njerëzit të jenë kaq të aftë ose të sigurtë të thonë ose të komentojnë gjëra që nuk u kanë hije atyre, s’kanë fare lidhje me personin tim dhe janë totalisht të pavërteta. Domethënë kam pika dhe unë që mund të revoltohem dhe të bëjmë nervoze”, tha këngëtarja.
Në bisedë, Konçi rrëfeu se vendimi për të jetuar në SHBA erdhi natyrshëm për shkak të fëmijëve dhe mundësive që ata kishin atje. Ajo u përshtat shpejt me punën dhe jetën e re, por bashkëshorti i saj, kompozitori Shpërim Saraçi hasi vështirësi dhe nuk ndiheshte i plotësuar në një realitet ndryshe nga ai që kishte në Shqipëri. Për këtë arsye ai vendosi të kthehej, ndërsa ajo qëndroi pranë fëmijëve, duke mbajtur peshën kryesore të familjes.
“Unë e gjeta veten shumë mirë atje sepse fillova punë e tjerë e tjerë. Shpëtimi kishte vështirësi me thënë të drejtën sepse nuk gjeti atë që sigurisht, atë që kishte këtu edhe erdhi ai moment që unë po iki se këtu s’rri dot më, që kështu bën mirë të vish dhe ti. Mirëpo unë nuk mund t’i lija dot fëmijët vetëm në mënyrë absolute. Edhe kështu erdhi e gjitha, vendosëm këtë lloj marrëveshje në heshtje që unë po ikja atje, unë s’ lë dot fëmijët vetëm.
Kjo ishte ideja që kështu rri këtu me ne. Pse duhet të ikësh edhe ti. Mirëpo e kishte të pamundur edhe ai siç duket nuk ndiheshe mirë. Nuk ishte vetja, nuk kishte ambientin e këtushëm, nuk kishte punën që jepte ky vend. Faktikisht këtu kishte një lloj statusi, ka një lloj statusi që kështu.Mirëpo tashti nuk është e lehtë ose nuk ishte e lehtë domethënë sidoqoftë sepse ne normalisht donim që të ishim, të ishim të katërt, të ishim…”, u shpreh mes emocinesh Konçi.
