Ndërsa afrohet skadimi i ultimatumit të vendosur nga presidenti amerikan Donald Trump ndaj Iranit, mediat ndërkombëtare kanë ngritur tre skenarë kryesorë për atë që mund të ndodhë pas orës 02:00 me orën e Shqipërisë.
Skenari i parë: Asnjë veprim
Ky konsiderohet më pak i mundshëm, pasi vetë Trump ka rritur presionin publik me deklaratat e tij. Një tërheqje pa veprim konkret mund të dëmtojë besueshmërinë dhe ndikimin e tij në negociata me Teheranin.
Skenari i dytë: Marrëveshje ose vazhdim bisedimesh
Një tjetër mundësi është që, në momentet e fundit, të njoftohet progres në negociata ose një marrëveshje e pjesshme. Në këtë rast, SHBA mund të shtyjë afatin ose të zbusë retorikën, duke ndjekur një strategji presioni për të arritur lëshime nga Irani.
Skenari i tretë: Sulme ushtarake
Ky është skenari më i rrezikshëm. Sipas raportimeve, Trump ka shprehur dyshime se Irani po zvarrit qëllimisht negociatat. Nëse kjo bindje forcohet, ai mund të autorizojë sulme ushtarake menjëherë pas skadimit të ultimatumit, qoftë me një operacion të gjerë apo me goditje të njëpasnjëshme për të rritur presionin.
Comments are closed.