Projekt Kodi i ri Penal me 950 nene, ka dalë online në faqen publike të Ministrit të Drejtësisë, Ulsi Manja. I lumtur dje, me shumë optimizëm reklamues sot, ministri Manja e lëshon draftin e Kodit Penal për konsultim publik, sikur ky akt të jetë një akt i zakonshëm, një udhëzim për përkujdesjen dhe mbrojtjen e kafshëve gjatë therjes.
Natyrisht që Manja as e ka idenë çfarë shkruhet në këtë draft, ashtu si nuk e kishte Sokol Sadushi, Holta Zaҫaj, të gjithë pedagogët, gjyqtarët, të huajt që ishin dje në prezantimin e “Kodit të ri”.
Po Arben Rakipi me Skënder Kaҫupin, me zërat e tyre të ndrydhur nga vitet dhe sëmundjet, a e kanë lexuar? Kush e ka draftuar Kodin e ri Penal? Më saktë, kush janë përkthyesit që kanë marrë identik, nene, dispozita dhe parashikime të ligjeve penale më të avancuara në botë, si Gjermania, Holanda, shtete të veçanta të SHBA-sё etj..
Një mish-mash i kodeve perёndimore, i sjellë në shtetin ballkano-lindor me 2 pikё ca milion banorë. Nga cilët ekspertë? Kush janë këta ekspertë?
Po të shihet vetëm një nen nga të 950, në kreun ku parashikohen veprat penale kundër “integritetit seksual” kupton padijeninё e Ulsi Manjës në prezantimin e Kodit Penal dhe gjysmëzërin e Arben Rakipit.
Përkufizimet e nenit 797 janë ende sot, të tmerrshme, të shumëdiskutuara në Gjermani, Francë, apo Holandë, sikur tё imagjinohet qё sot ҫdo ndodhё me to në Shqipëri:
Për qëllime të veprave penale të këtij kapitulli shprehjet në vijim kanë këtë kuptim:
Shprehja “pëlqim” i personit, vlerësuar në kontekstin e rrethanave të faktit, nënkupton:
a) pranim i lirë dhe i vullnetshëm i personit që ka arritur moshën gjashtëmbëdhjetë vjeç për të kryer aktin seksual.
b) marrëveshja e lirë dhe e vullnetshme e dy personave që kanë arritur moshën gjashtëmbëdhjetë vjeç për të kryer aktin seksual në fjalë.
“Akt pa pëlqim” nënkupton një veprim të kryer pa pëlqimin vullnetar të personit ose duke mos qenë ajo në gjendje të shprehë vullnetin e lirë për shkak të gjendjes së saj fizike ose mendore, duke shfrytëzuar paaftësinë e saj për të shprehur vullnetin e lirë për shkak të gjendjes së pavetëdijes, dehjes, gjumit, sëmundjes, dëmtimit fizik ose paaftësisë. Pëlqimi mund të revokohet në çdo moment gjatë aktit. Mungesa e pëlqimit nuk mund të pretendohet duke pasur për bazë heshtjen e personit, mungesën e rezistencës verbale ose fizike ose sjelljes së saj seksuale në të shkuarën.
Shprehja “akt seksual” nënkupton penetrim sado i vogël i organit seksual ose i objektit për qëllime seksuale në cilëndo pjesë të trupit të personit ose penetrim sado i vogël në zonat e trupit: anus, gojë apo gjenitale të personit me ndonjë send për qëllim seksual ose me cilëndo pjesë tjetër të trupit, ose me cilëndo pjesë të kafshës, apo në çfarëdo mënyre, që synojnë kënaqësinë seksuale të personit.
Shprehja “përdhunim” nënkupton penetrimin seksual të detyruar vaginal, anal ose oral, ose depërtimin e pjesëve trupore ose objekteve në trupin e një personi tjetër, kundër vullnetit të viktimës, në mungesë të pëlqimit të saj, duke iu imponuar me detyrim, kërcënuar apo vepruar në befasi të plotë ndaj saj.
Me shprehjen “pjesë intime” nënkuptohen gjinjtë e një femre, penisi, vagjina dhe/apo anusi.
Shprehja “prekje” nënkupton kontakt direkt ose indirekt, pa penetrim, midis trupit të personit me cilëndo pjesë të trupit të personit tjetër apo me ndonjë send.
Shprehja “qëllimi seksual” nënkupton çdo veprim të kryer për qëllimet e kënaqësisë seksuale të një personi.
Shprehja “joshje” nënkupton çdo veprim që synon të fitojë besimin e të miturit nëpërmjet artificave, gënjeshtrave, lajkave apo kërcënimeve, të zbatuara gjithashtu përmes përdorimit të internetit ose rrjeteve të tjera ose mjeteve të komunikimit.
Pra, “risia” që sjell Kodi i ri Penal, për mbrojtjen e të drejtave në raportin seksual, e çon Shqipërinë menjëherë 30 vite parakalim, përkundër të gjitha vendeve të rajonit, përfshirë, Greqinë, Bullgarinë, Kroacinë, Serbinë.
Nëse Ulsi Manja do shpjegonte dje se, çfarë do të thotë “Pëlqimi mund të revokohet në çdo moment gjatë aktit”, edhe shqiptarët do ishin më të qartë sot se, kur të kryejnë marrëdhënie seksuale mes vedi, ose edhe me të huaj/a, meqenëse edhe në 2026 parashikohet të ketë shumë turistë në qarkullimin kombëtar.
Si “revokohet” akti seksual kur ai nis dhe nuk bitis, sipas Ulsiut, pedagog Rakipit dhe profesor Kaҫupit?
Kur partneri apo partnerja thotë “Mjaft!”, “Boll!”, “Ik..!” disa sekonda para ejakulimit, apo kur bën shaka megjithëse i pëlqen anormalisht dhe seksualisht shumë?
Si duhet të ndalojë njёri nga partnerët që të mos futesh në burg më pas? Si do vërtetohet nga prokurorët dhe gjyqtarët në sallë, nëse ai tha “Mjaft” dhe ajo i futi duart “në fyt” për ta mbajtur aty…?
Si do trajnohen magjistratët për këtë nen, se në Gjermani është bërë problem i madh juridik, vërtetimi i “revokimit të pëlqimit për ta vazhduar aktin në çdo moment të kryerjes së tij”.
Si do ia bëjnë shqiptarët që janë më të nxehtë se gjermanët? A duhet të nënshkruajnë një kontratë paraseksuale, ku të vendosin si çift, që deri në vdekje do i japin fund aktit seksual?
Ky nen përvëlues, parashikon edhe zoofilinë, moslejimin e ‘sendeve’ të kafshëve të depërtojnë te shqiptarët në formën e aktit seksual, pa pëlqimin e tyre. Edhe kjo pikë ha diskutime, pasi shumë zonja dhe zonjusha shqiptare kanë qenushër të vegjël, që nuk janë të dëmshëm, madje shpesh shoqërojnë të zotët për kënaqësi.
Neni 862, gjithashtu një risi e “baballarëve” të kodit, të fut në burg po bëre seks në vende publike:
“Kryerja e akteve seksuale në vende publike ose në mjedise të ekspozuara nga vështrimi i njerëzve, dënohet me gjobë ose me burgim nga gjashtë muaj deri në tre vjet.”
Këtu nuk qartësohet “vështrimi”, nëse nënkupton dhe atë me dylbi. P.sh., kur je në resort në Palasë dhe sheh nga vila jote brenda, një çift duke bërë seks në pjesën publike të detit përballë, në kiçin e një skafi, a duhet të arrestohen të dy?
Arben Rakipi dje, prezantoi me një lloj medyshje nëse duhet të lirohen për sjellje të mirë 200 të burgosurit e përjetshëm në Shqipëri. Me të drejtë tha, jam për rehabilitimin e njeriut, si koncept.
Shumë gjyqtarë e prokurorë u dogjën nga vettingu për arsye të parehabilitueshme, edhe pse iu gjetën, kur u gërmua deri 25 vjet më parë, ca ullishte tepër.
Si mendon prof. Rakipi, mund të pishmanohet më shpejt një vrasës serial që sillet mirë në burg, apo një prokuror si ka qenë dikur ai vetë, të cilit i rrëshkiti këmba në “ullishte” për ta vuajtur më pas si dënim profesional të përjetshëm?
Kodi i ri Penal, hidhet në internet si një risi që as “baballarët” pa prostatë, nuk do arrijnë ta gëzojnë dot, seksin “me engjëjt”..!
