Një vendim i papritur i “Vëllait të Madh” ka shokuar banorët: e gjithë shtëpia ka përfunduar në një televotim masiv dhe një prej tyre do të lërë përfundimisht garën!
Ky vendim ekstrem nuk erdhi nga hiçi. Ai pason një seri incidentesh dhe shkeljesh të vazhdueshme të rregullave të formatit nga një pjesë e mirë e banorëve.
Konkretisht, Selin, Greta, Rogerti, Livia, Miri dhe Mateo janë lakuar si protagonistët e këtyre shkeljeve, të cilat kanë krijuar situata të pakëndshme dhe tensione të forta brenda mureve të shtëpisë.
Ndëshkimi kolektiv nuk është pritur aspak mirë nga ata që mendojnë se kanë luajtur pastër. Artani ka qenë ai që ka ngritur zërin më fort, duke shprehur hapur pakënaqësinë e tij.
Ai e quajti këtë vendim të padrejtë, duke theksuar se ka banorë që nuk kanë thyer asnjë rregull dhe nuk është e drejtë që të rrezikojnë eliminimin për shkak të gabimeve të të tjerëve.
Tashmë gara bëhet vërtet e frikshme. Lista e atyre që përballen me gjykimin e publikut përfshin plot 16 emra: Stenaldo, Mali, Miri, Marko, Rogerti, Artani, Juela, Livia, Gimbo, Selin, Mateo, Brikena, Shndrit, Greta, Arditi dhe Alesio.
Comments are closed.