Policia e Fierit ka zbardhur detajet e para të krimit të rëndë të dyfishtë të ndodhur pasditen e sotme në Kuman të Fierit.
80-vjeçari Shefit Rrapaj, banues në fshatin Kuman, Roskovec, dyshohet se ka vrarë me armë zjarri (pushkë), në banesë, bashkëshorten e tij, shtetasen Dashurie Rrapaj., rreth 75 vjeçe, dhe më pas ka vrarë veten.
Krimi ka ndodhur rreth orës 14:30.
“Shtetasi Sh. Rr., rreth 80 vjeç, banues në fshatin Kuman, Roskovec, dyshohet se ka vrarë me armë zjarri (pushkë), në banesë, bashkëshorten e tij, shtetasen D. Rr., rreth 75 vjeçe, dhe më pas ka vrarë veten”, thanë burime zyrtare.
Grupi hetimor ndodhet në vendngjarje dhe po punon për sqarimin dhe dokumentimin e plotë të rrethanave të rastit.
Detaje të reja dalin në dritë nga krimi dyfishtë në fshatin Kuman të Roskovecit, ku një 80-vjeçar Shefit Rrapaj qëlloi për vdekje gruan e tij Dashuri Rrapaj dhe më pas kreu vetëvrasje.
Gazetarja Valbona Davidhi nga vendi i ngjarjes raporton bazuar në dëshmitë e banorëve se i moshuari para krimit e ka tërhequr zvarrë gruan nga oborri i banesës dhe e ka futur brenda shtëpisë dhe më pas e qëlluar për vdekje me armë gjahu.
“Krimi ka tronditur të gjithë fshatin Kuman. Ekspertët po marrin dëshmitë e banorëve . Nga të dhënat paraprake, 80-vjecari ka tentuar edhe më herët të lëndojë vetën.
Kjo konfirmohet nga vetë banorët. Motivet mbeten ende të paqarta. Sipas informacioneve, i moshuari e ka tërhequr zvarrë nga oborri bashkëshorten dhe më pas e ka futur në banesë, e ka qëlluar me armën e gjahut’, tha gazetarja.
Comments are closed.