“Me hidhërim të thellë njoftojmë ndarjen nga jeta të nënës sonë, një grua që na rriti me përkushtim të rrallë dhe dashuri të pakushtëzuar për jetën, punën dhe familjen.
Ajo la pas vlera, kujtime dhe mësime që do të jetojnë gjithmonë brenda nesh. Dhimbja është e madhe, por mirënjohja për çdo sakrificë, çdo fjalë dhe çdo përqafim do të mbetet e përjetshme”, shkruan Vasil Llajo.
Polikseni Llajo ka ndërruar jetë në moshën 90 vjeçare, e rrethuar nga njerëzit e dashur. Familja pret ngushëllimi në Limjon dhe nesër, do të bëhet përcjellja për në banesën e fundit në Sarandë më orën 13:00.
Ngushëllimeve për ikjen e nënës së doktor Vasilit u janë bashkuar qindra kolegë, miq dhe qytetarë të njohur e të panjohur, të cilët kanë shkruar mesazhe në profilin e tij.
