Prej 10 vitesh Partia Demokratike kërkon qeveri teknike dhe zgjedhje të parakoshme. Teksa në vend të qeverisë teknike kreu i PD-së ka përfituar koncensione, resorte dhe kulla përmes familjarëve të tij, më i shpejtë është treguar njëfarë profesor Pëllumb Pilinçi, i cili ka krijuar “Qeverinë Teknike të Shqipërisë me Kufij Natyror”, e cila disa ditë më parë i dërgoi një letër zyrtare kryeministrit Edi Rama, duke i kërkuar të lirojë ambientet e Kryeministrisë brenda 7 ditësh.
Krahas ‘qeverisë teknike’ të Pilinçit, një qeveri tjetër teknike u shpall disa ditë më parë nga i ashtuquajturi ‘Revolucioni i flamingove’, me ‘kryeministër’ gazetarin Marin Mema. Por teksa Marin Mema reagoi duke mohuar kategorikisht çdo përfshirje në skenarë apo propozime të tilla, një tjetër personazh është vetëshpallur si përzgjedhur i ndërkombëtarëve për kryeministër i qeverisë teknike, duke sfiduar hapur profesor Pilinçin.
Bëhet fjalë për ish ministrin e Jashtëm, Ditmir Bushati, i cili lëviz rrugëve dhe mejhaneve të Tiranës me një çantë në dorë, duke pretenduar se të huajit e kanë caktuar atë kryeministër të qeverisë teknike që do të diktojë ‘Revolucioni e flamingove’, të cilit së fundmi i është bashkuar edhe neomalësorja me kmesë në dorë.
Për të treguar se ka mbështetje edhe brenda PS-së, Bushati u telefonon dhe fton për kafe çdo janë në vende të dukshme figura të Partisë Socialiste, deputetë, ish ministra, ish kryebashkiakë, drejtorë etj. Disa prej tyre, për shkak të raporteve kur Bushati ishte pjesë aktive dhe deputet i PS-së, i përgjigjen, ndërsa të tjerë kanë nisur t’a shmangin me takt.
Ditët e fundit, teksa protesta vijon, në çdo takim në mejhanet e Tiranës, Bushati thotë se ka marrë bekimin e ndërkombëtarëve për të qenë kryeministër i qeverisë teknike, me një vetëbesim që do t’a kishte zili edhe Pilinçi.
Comments are closed.