Iftuar në emisionin “Ndryshe” në Top Albania Radio me Elona Duro dhe Salsano Rrapi ka qenë Arbër Hajdari, opinionisti i spektaklit të famshëm të “Big Brother Vip Albania”, por gjithashtu dhe drejtuesi i fondacionit “Fundjavë Ndryshe”.
Hajdari ka zbuluar se si nisi rrugëtimi i drejtimit të një fondacioni, por gjithashtu pa harruar së përmenduri rolin e tij të opinionistit në “Big Brother Vip”. Ai zbuloi marrëdhënien e tij me Monika Kryemadhi dhe Ledion Liço.
Salsano: Është opinionisti një profesion për ty?
Arbër: Jo, nuk është dhe refuzoj ta pranoj për të gjithë ata që e thonë, sepse edhe mendoj që duhet pas njëfarë kohe të ndryshojë.
Elona: Përse duhet të ndryshojë?
Arbër: Nuk duhet të jetë gjithmonë një i njëjtë, sepse njerëzit kanë nevojë që t’i shohin gjërat edhe në këndvështrime ndryshe, pra nuk mund të jetë punë.
Elona: Me këtë thua që nuk do të jesh më?Arbër: Unë nuk e thashë këtë, unë them çfarë është më mirë. Mendoj që opinionisti është një njeri i cili ka eksperiencën e tij, mbi gjërat që ka kaluar në jetë dhe ndan mendimin e tij ashtu si e sheh ai botën sepse ai nuk mund ta shohë siç e duan njerëzit, ama e rëndësishme është që ai të thotë mendimin e tij.Salsano: Nëpër studio televizive ka shumë opinionistë…
Elona: Gazetarë politikë…
Arbër: Nëse po flasim për gazetarë politikë po flasim për gazetarë politikë, nëse po flasim për njerëz që marrin përsipër t’i bëjnë të gjitha unë mendoj që në fund nuk bëjnë asgjë. Se nuk mund t’i bësh të gjitha nuk ke kohë të marrësh informacionin e nevojshëm ta verifikosh a është i vërtetë. Si mund të flasim për të gjitha?/TAR
Pas flakëve që përfshinë pasditen e sotme kompleksin rezidencial të ndërtuar nga kompania “Arlis” e oligarkut Mand Lilo në Tiranë, dhjetëra banorë mbetën pa strehë, ndërsa shqetësimi për natën e parë pas tragjedisë u kthye në pyetjen kryesore.
Gjatë një deklarate për mediat, prefekti i Tiranës, Shkëlqim Hajdari, u përball me pyetjen direkte të gazetarëve: Çfarë do të ndodhë me familjet që humbën shtëpitë nga zjarri dhe ku do të flenë ata sonte?
Përgjigjja e tij ka shkaktuar reagime. Ai u shpreh se kjo situatë nuk e ka preokupuar në mënyrë të veçantë, duke theksuar se, sipas tij, banorët mund të gjejnë zgjidhje tek kushërinjtë, halla, daja pasi jemi shqiptarë.
Ndërkohë, në terren, familjet e prekura vijojnë të përballen me pasojat e menjëhershme të zjarrit, mes pasigurive dhe mungesës së një plani të qartë për strehimin emergjent.
Comments are closed.