Kryeministri Edi Rama ka vizituar mesditën e kësaj të diele ambientet e vilës së ish-diktatorit, Enver Hoxha. Një ditë pasi kjo godinë ra pre e molotovëve dhe fishekzjarrëve të hedhura nga protestuesit e opozitës, kreu i qeverisë ka vendosur që të shohë nga afër gjendjen e vilës pas sulmeve.
Siç raportuam dhe mbrëmjen e së shtunës, godina e e kthyer në një hapësirë pritëse për artistë nga vende të ndryshme të botës dhe e menaxhuar nga fondacioni francez Art Explora, u sulmua me breshëri molotovësh dhe mjete piroteknike nga protestuesit e opozitës.
Në momentin e sulmit brenda godinës ndodheshin 10 persona, mes tyre 7 artistë dhe 3 anëtarë të stafit. Pamjet e transmetuara tregonin qartë praninë e njerëzve në ambientet e brendshme në çastin kur hidheshin mjetet ndezëse.
Rezidenca, e cila për periudhën janar-mars ka mirëpritur tetë artistë nga Polonia, Greqia, Turqia, Kosova, Kina, Bangladeshi dhe Bosnje-Hercegovina, ishte aktive edhe gjatë ditës së djeshme. Vetë artistët kishin ndarë në rrjete sociale momente nga aktivitetet e zhvilluara brenda vilës, pak orë përpara incidentit.
Artistja greke Amalia Vekri publikoi në profilin e saj pamje nga momenti i sulmit, ku shiheshin protestues duke hedhur molotovë drejt godinës.
Lexo gjithashtu: E rende ne vend, humb jeten 19 vjecari
Lista e artistëve përfshin emra nga skena ndërkombëtare si: Agnieszka Mastalerz (Poloni), Amalia Vekri (Greqi), Betül Aksu (Turqi), Dardan Zhegrova (Kosovë), Kemil Bekteši (Bosnje-Hercegovinë & Kosovë), Lumturie Krasniqi (Kosovë), Palash Bhattacharjee (Bangladesh) dhe Yao Qingmei (Kinë).
Ky sulm i dënua ashpër nga mazhoranca, ku përpos ministrave Blendi Gonxhe dhe Albana Koçiut, reagime erdhën dhe nga deputetët socialistë
Comments are closed.