Kreu i Partisë Demokratike Sali Berisha po zhvillon një bashkëbisedim online me qytetarët
Ai ka zbuluar se protesta e mbajtur në formën e një foltoreje përpara Kryeministrisë, tashmë do të dalë edhe jashtë Tiranës.
Berisha u shpreh se “Foltorja’ do të përhapet dhe do të mbahet në të gjithë Shqipërinë.
“Këtë javë nisim foltoret jashtë Tirane, do të vijojnë në të gjithë vendin”, tha ai.
Kreu i Partisë Demokratike, Sali Berisha, po zhvillon një bashkëbisedim online me qytetarët, ku një prej tyre e pyeti nëse pas humbjes së zgjedhjeve do të largohet nga drejtimi i PD-së, duke shtuar: “Nëse je burrë përgjigju”.
Berisha u përgjigj se humbja e zgjedhjeve është kriteri më i shëndoshë për ata që i dorëzojnë, por sipas tij, në kushtet e një farsë elektorale, një akt i tillë do t’i shërbente diktatorit dhe atyre që shtypin pluralizmin.
Sali Berisha: Humbja e zgjedhjeve, kriteri më i shëndoshë i atyre që i dorëzojnë, por në kushtet e farsës elektorale, një akt i tillë do t’i shërbente diktatorit dhe atyre që shtypin pluralizmin.
