Dy futbollistët e Kombëtares shqiptare, Ylber Ramadani dhe Jasir Asani, janë bërë protagonistë të një videoje që po bën xhiron e rrjeteve sociale. Në pamjet e shpërndara nga TikToker-i shqiptar “Greca”, të tre shfaqen duke bërë batuta dhe humor për ndeshjen Shqipëri–Serbi, me referenca që kanë shkaktuar të qeshura në publik.
Në video, Greca i drejtohet Kozak Braçit — një tjetër personazh i njohur në rrjete sociale — me fjalët:
“O Kozi, e pe Shqipëri–Serbi? Me këta të dy do të të ther!”
Më pas, duke iu referuar mesfushorit të Kombëtares, ai shton me shaka:
“Ylber Ramadanin edhe… ça do pësojë Kozi?”
Në të njëjtën kohë, Jasir Asani i përgjigjet me humor:
“Kozi, ke marrë fund!”
Videoja është pritur me të qeshura si nga protagonistët, ashtu edhe nga ndjekësit, duke gjeneruar qindra komente pozitive. Shumë tifozë e kanë marrë si një shembull të atmosferës pozitive dhe të bashkimit mes lojtarëve të Kombëtares dhe fansave në prag të ndeshjeve të rëndësishme.
Pavarësisht tonit “kërcënues” të batutës, e gjithë skena është në frymë gazmore dhe miqësore, duke treguar anën e thjeshtë dhe plot humor të futbollistëve kuqezi.