Një gjykatë pakistaneze dënoi ish-kryeministrin Imran Khan dhe gruan e tij Bushra Bibi me nga 17 vjet burg secili në rastin e korrupsionit të njohur si Toshahana 2, njoftoi agjencia e lajmeve PTI.
Sipas vendimit, Khan dhe Bushra Bibi u dënuan me dhjetë vjet burg për veprën penale të shkeljes së besimit sipas nenit 409 të Kodit Penal të Pakistanit, si dhe me shtatë vjet burgim shtesë sipas disa dispozitave të Aktit për Parandalimin e Korrupsionit.
Gjykata gjithashtu i gjobiti ata me dhjetë milionë rupi pakistaneze secilin, ose rreth 30,500 euro, shkruan Hindustan Times.
Rasti Toshahan lidhet me mashtrimin në lidhje me dhuratat qeveritare që ish-çifti i parë mori nga qeveria saudite në vitin 2021.
