Islor Islami, drejtor i policisë në Lezhë ka dhënë dorëheqjen nga pozicioni i tij drejtues pas zbulimit të ambienteve të zbuluara për lojëra fati në Laç dhe në Milot.
Më herët, Policia njoftoi se kishte vënë në pranga tre persona dhe shpallur në kërkim një tjetër pasi i kishin kthyer lokalet në ambiente për ushtrimin e lojërave të fatit.
Njëri prej ambienteve ishte përshtatur edhe për përdorim dhe shitje të lëndëve narkotike.
Islor Islami, drejtor i policisë në Lezhë, ka dhënë dorëheqjen nga pozicioni i tij drejtues pas zbulimit të tre ambienteve për ushtrimin e lojërave të fatit në Laç dhe Milot.
Më herët, policia njoftoi se kishte arrestuar tre persona dhe shpallur në kërkim një tjetër pasi ushtronin lojëra fati në lokalet e tyre. Njëri prej tyre ishte përshtatur edhe për përdorim dhe shitje të lëndëve narkotike.
Në pranga u vunë Shkëlzen Preni 21 vjeç dhe Dorjan Medha 33 vjeç, dhe u procedua penalisht shtetasi S. Sh 61 vjeç pasi në një lokal në Laç, në pronësi të këtij të fundit u gjetën 8 makineta, 2 tavolina dhe sende të tjera për lojëra fati, si dhe sasi lëndë e dyshuar narkotike kokainë e ndarë në doza. Lokali bashkëadministrohej nga dy personat që u vunë në pranga Preni dhe Medha.
Po ashtu u arrestua edhe shtetasi Ylli Veseli 45 vjeç, pasi në lokalin e tij në Milot, u gjetën 6 pajisje dhe sende me të cilat luheshin lojëra fati.
Në kërkim u shpall Pjetër Lleshi 31 vjeç, i cili gjithashtu e kishte kthyer lokalin e tij në Milot në një ambient për lojërat e fatit. Në të u gjetën 2 makineta, 1 tavolinë dhe sende për lojëra fati.
NJOFTIMI I POLICISË
Policia e Shtetit/Finalizohet operacioni i koduar “Rastet”.
Operacioni u zhvillua pas informacionit të siguruar nga Drejtoria e Përgjithshme e Policisë së Shtetit.
Zbulohen në Milot dhe në Laç, 3 raste ku kishin përshtatur ambientet për lojëra fati me makineta dhe tavolina pokeri.
Njëri prej ambienteve, gjithashtu i përshtatur për përdorim dhe shitje të lëndëve narkotike.
Sekuestrohen 15 makineta, 3 tavolina për lojën “Poker”, sasi lënde narkotike Kokainë, shumë parash, si dhe sende të tjera që i shërbenin kësaj veprimtarie të kundërligjshme.
Arrestohen 3 shtetas, procedohet penalisht 1 shtetas dhe shpallet në kërkim 1 (pronarë dhe/ose administratorë të ambienteve).
Bazuar në informacionet e siguruara nga Drejtoria e Përgjithshme e Policisë së Shtetit, për disa raste ku ishin përshtatur ambientet për zhvillimin e lojërave të fatit, me makineta dhe tavolina pokeri, shërbimet e Policisë organizuan dhe finalizuan operacionin e koduar “Rastet”.
Gjatë operacionit u zbuluan 3 ambiente të përshtatura për organizim të kundërligjshëm të lojërave të fatit, dhe u konstatua se te njëri prej tyre gjithashtu përdoreshin dhe shiteshin lëndë narkotike. Konkretisht, për këto raste:
-u arrestuan shtetasit Sh. P., 21 vjeç dhe D. M., 33 vjeç, dhe u procedua penalisht shtetasi S. Sh., 61 vjeç, pasi në një lokal në Laç, në pronësi të shtetasit të proceduar, subjekt i cili dyshohet se bashkadministrohej nga 2 të arrestuarit, u gjetën 8 makineta, 2 tavolina dhe sende të tjera për lojëra fati, si dhe sasi lëndë e dyshuar narkotike Kokainë, e ndarë në doza;
-u arrestua shtetasi Y. V., 45 vjeç, pasi në lokalin e tij, në Milot, u gjetën 6 pajisje dhe sende me të cilat luheshin lojëra fati;
-u shpall në kërkim shtetasi P. Ll., 31 vjeç, pasi në një ambient në pronësi të tij, në Milot, u gjetën 2 makineta, 1 tavolinë dhe sende për lojëra fati. Punohet për kapjen e 31-vjeçarit.
Kontrollet kundër kësaj paligjshmërie, vijojnë në subjekte dhe në ambiente të ndryshme.
Materialet procedurale iu referuan Prokurorisë së Lezhës, për veprime të mëtejshme.