Emisioni investigativ “Piranjat” ka publikuar pamje që kanë hapur një debat të gjerë, duke hedhur dyshime mbi rregullsinë fiskale në aktivitetet e organizuara nga Ermal Mamaqi.
Ky denoncim vjen në një kohë kur qeveria ka ashpërsuar masat kundër informalitetit, duke kërkuar me forcë lëshimin e kuponit tatimor nga çdo biznes.
Në videon e publikuar nga eventi në Pallatin e Kongreseve, ku hyrja kushton mbi 100 euro, shihet se si pagesat kryhen “cash” dhe futen në zarfa, pa u shoqëruar me faturë tatimore.
Gjatë bisedës me gazetaren e infiltruar, punonjësja në sportel pohon se kjo është një praktikë e zakonshme dhe tregon zarfat e mbushur me para të dorëzuara nga pjesëmarrësit.
Mbetet për t’u parë nëse institucionet përkatëse do të ndërmarrin verifikime pas këtyre pamjeve që tregojnë shmangien e mundshme të detyrimeve në zemër të Tiranës.
Comments are closed.