Jeta e Barbara Daly Baekeland u shënua nga luksi dhe tragjedia, duke kulmuar me vrasjen brutale të saj nga duart e të birit. Në moshën 52-vjeçare, ajo u godit me thikë për vdekje në shtëpinë e saj luksoze në Londër nga 25-vjeçari Tony. Ky i fundit u gjet duke qëndruar mbi trupin e saj teksa porosiste ushqim.
Si fëmija i vetëm i martesës së trazuar të Barbara-s dhe trashëgimtarit të Brooks Baekeland’s, jeta e Tony-t u njollos nga mosfunksionimi.
Barbara, një ish-modele që dikur ishte cilësuar si një nga 10 vajzat më të bukura të Nju Jorkut, takoi Brooks, një pilot praktikant me Forcat Ajrore Mbretërore Kanadeze dhe nip i shpikësit të plastikës, Leo Baekeland. Në vitin 1946 ata u bënë prindër për herë të parë, erdhi në jetë Tony.
Marrëdhënia komplekse dhe shqetësuese midis djalit dhe nënës ka qenë objekt i shumë spekulimeve. Pretendohet se lidhja e çiftit ishte icestuoze, me disa raporte që thonë se Barbara ishte përpjekur që të ‘kuronte’ ho mose ksualitetin e të birit, duke e detyruar atë që të flinte me p rostituta.
“Daily Star” shkruan se kur kjo metodë dështoi, pretendohet se 52-vjeçarja filloi të a buzonte se ksualisht vetë.
E teksa marrëdhënia e tyre u bë e dhunshme, sjellja e Tony-t u bë gjithnjë e më e çrregullt. I riu u pa duke u përpjekur të vriste nënë e tij duke e shtyrë atë para makinave. Nga ana tjetër, problemet e shëndetit mendor të Barbara-s, e çuan atë në përpjekje për të bërë vetëvrasje. E të gjitha këto e ndërlikuan edhe më shumë situatën e tyre, raporton “Express”.
Pasi Brooks u martua përsëri dhe pati një fëmijë tjetër, duke lënë pas Tony-n dhe Barbara-n, Tony-t u diagnostikua me skizofreni.
Marrëdhënia e saktë mes të birit dhe nënës mbetet e paqartë, por ngjarjet tragjike që u zhvilluan janë një dëshmi e pasojave shkatërruese të lidhjes së tyre të trazuar.
Jeta luksoze e familjes në Londër u njollos nga problemet e 52-vjeçares me djalin e saj gjithnjë e më të çrregullt. Tony shpesh e kërcënonte atë me thika.
Ndërkohë rrëfimet tronditëse të Barbara-s për incestin i tronditën ata përreth saj, por ishte gjithashtu e qartë se ajo kishte nevojë të thellë për vëmendje.
Në natën fatale të vrasjes së 52-vjeçares, Tony pranoi se u grind me nënën e tij për një mik që e kishte ftuar, por të cilin Barbara nuk donte ta shihte. Grindja u përshkallëzua në dhunë, me 25-vjeçarin që e goditi nënën e tij përpara se ta godiste me thikë.
“Mendja ime ishte paksa e çuditshme dhe isha shumë nën ndikimin e nënës sime. Ndjeja se ajo po më kontrollonte mendjen”, ka thënë i riu më vonë në polici.
E teksa ishte në paraburgim, Tony luftoi për t’u përballur me atë që kishte bërë dhe pyeste nëse nëna e tij ishte ende gjallë. Ai u shpall fajtor për vrasje të paqëllimshme dhe u dërgua në Broadmoor.
Ndërkohë gjyshja e tij nga babai, Nini Daly, bëri fushatë për riatdhesimin e të riut në Shtetet e Bashkuara të Amerikës. Por babai i tij ishte i bindur se i biri ishte i aftë që të vriste përsëri, duke e përshkuar atë si “të lig”.
Ishte viti 1980 kur ai u lirua nën kujdesin e gjyshes 87-vjeçare, në Nju Jork. Megjithatë, konsulenti i tij në Broadmoor më vonë pranoi se lirimi i Tony-t kishte qenë një gabim.
Menjëherë pas mbërritjes së tij në Nju Jork, 25-vjeçari ndërtoi një faltore makabre për nënën e tij të ndjerë dhe shpesh dëgjohej duke murmuritur mbi hirin e saj. Vetëm gjashtë ditë pas largimit të tij nga Broadmoor, Tony e gjeti veten në një debat të ashpër me gjyshen e tij për një telefonatë që donte të bënte në Angli, gjë që rezultoi në goditjen e saj me thikë tetë herë.
“Ajo nuk do të vdesë”, ishin fjalët e para të Tony-t sapo policia mbërriti në vendin e ngjarjes. Ai rrëfeu dëshirën e tij për të ‘bërë seks’ me 87-vjeçaren dhe besonte se do të ishte ‘më e sjellshme’ ta vriste.
Çuditërisht, ajo mbijetoi.
25-vjeçari u dënua më pas me burgim të përjetshëm në Rikers Island. Më 20 mars të vitit 1981, në orën 3:30 pasdite, Tony u gjet i vdekur me një qese plastike të mbështjellë fort rreth kokës. Shkaku i vdekjes së tij nuk është përcaktuar kurrë përfundimisht, si vrase apo vetëvrasje.
