Deputeti i partisë demokratike Bardh Spahia së fundmi është përballur me një incident të pazakontë, pasi ka përfunduar në spital duke vendosur këmbën në allçi.
Lajmin e ka bërë të ditur vetë deputeti me anë të një postimi në rrjetet sociale.
Ai tregon se pësoi një incident pas një ndeshje futbolli me djalin dhe nipat. “Shumë entuziazëm dhe energji por në fund “trofeun” e fitova unë: frakturë e kaviljes dhe këmba në allçi,” shkruan ai ndër të tjera.
Postimi i plotë:
“Breaking” news!
Nuk i rezistova dot sfidës për një ndeshje futbolli me djalin dhe nipat. Shumë entuziazëm dhe energji por në fund “trofeun” e fitova unë: frakturë e kaviljes dhe këmba në allçi.
Më e rëndësishmja kaloi, tani pak javë “në stol”.
Ndërkohë po shijoj pak kohë me ta si “kapiten jashtë fushe”, i rrethuar nga skuadra ime më e çmuar: familja.
