Ky është momenti kur forca të shumta të Policisë së Shtetit kanë rrethuar ambientet e News24.
Operacioni i represionit ka nisur në orët e para të mëngjesit, kur gazetarët dhe punonjësit e tjerë janë paraqitur në punë, por nuk janë lejuar të futen brenda, duke u përballuar me uniformat blu.
Pa paralajmërim dhe pa vendim gjykate, Policia kërkon lirimin e ambienteve ku aktualisht ndodhen redaksitë News24, BalkanWeb, Panorama dhe Gazeta Shqiptare.
Në krye të uniformave blu ndodhet Ardi Veliu, si drejtues i shoqërisë “KAYO” i cili pretendon se godina i përket kompanisë së prodhimi të armëve.
Policia nuk lejon futjen e gazetarëve në ambientet e redaksisë, duke i privuar nga ushtrimi i punës së tyre dhe cenuar drejtpërdrejt lirinë e medias.
Veprimet arbitrare kanë vijuar me ndërprerjen e furnizimit me energji elektrike, çka paralizon aktivitetin normal të mediave.