Agjencia Amerikane e Ushqimit dhe Barnave (FDA) ka dhënë alarmin për një rrezik të mundshëm shëndetësor, duke njoftuar se mbi 580,000 shishe të ilaçit të tensionit “Prazosin Hydrochloride” po tërhiqen nga tregu për shkak të pranisë së një papastërtie potencialisht kancerogjene.
Tërheqja vullnetare po kryhet nga dy kompani farmaceutike, Teva Pharmaceuticals USA dhe Amerisource Health Services. Shkaku i tërheqjes është zbulimi i niveleve më të larta se sa lejohet të një papastërtie të quajtur N-nitroso Prazosin impurity C.
Këto kimikate, të njohura si nitrosamina, klasifikohen si substanca potencialisht kancerogjene nëse ekspozohen ndaj tyre mbi nivele të sigurta dhe për periudha të gjata kohore.
FDA e ka klasifikuar këtë tërheqje si Klasa II, që do të thotë se probabiliteti i efekteve serioze shëndetësore është i ulët dhe se efektet anësore, nëse shfaqen, janë të përkohshme dhe të kthyeshme.
Udhëzime për pacientët:
Mos e ndaloni mjekimin: Autoritetet paralajmërojnë pacientët që marrin Prazosin Hydrochloride, të mos e ndërpresin marrjen e ilaçit pa u konsultuar menjëherë me mjekun që e ka përshkruar, pasi ndërprerja e papritur e mjekimit për tensionin mund të jetë e rrezikshme.
Kontrolloni paketimin: Pacientët duhet të kontrollojnë numrin e serisë (lot number) në paketimin e shishes dhe të kontaktojnë mjekun ose farmacistin për udhëzime të mëtejshme dhe për të gjetur një alternativë të sigurt.
Këto janë numrat e serisë të prekura:
- NDC 0093-4068-01
- Lot # 3010398A, 3010399A, 3010400A, 3010401A, 3010353A, Expiration (Exp) Date: 12/2025
- Lot # 3010439A, 3010388A, Exp Date: 01/2026
- Lot # 3010526A, 3010527A, Exp Date: 03/2026
- Lot # 3010591A, 07/2026; Lot # 3010343A, Exp Date: 10/2025
- Lot # 3010352A, Exp Date: 11/2025
- Lot # 3010468A, 3010469A, 3010461A, Exp Date: 02/2026
- Lot # 3010629A, Exp Date: 09/2026
- Lot # 3010653A, Exp Date: 01/2027
- Lot # 3010654A, 3010679A, 3010702A, Exp Date: 02/2027
- Lot # 3010547A, Exp Date: 04/2026
- NDC 0093-4068-10
- Lot # 3010402A Exp Date: 02/2028
- Lot # 3010593A, Exp Date: 07/2026
- Lot # 3010610A, Exp Date: 09/2026
Ilaçi Prazosin Hydrochloride përdoret gjerësisht për trajtimin e tensionit të lartë të gjakut, por edhe për menaxhimin e maktheve të lidhura me PTSD. Tërheqja përfshin doza të ndryshme (1 mg, 2 mg dhe 5 mg).
Burimi: Pharmacy Times