Një tërmet me magnitudë 6.3 ballë sipas shkallës Rihter goditi mbrëmjen e së enjtes pjesën jugperëndimore të Bengkulu në Indonezi, duke shkaktuar frikë dhe panik në mesin e banorëve lokalë dhe turistëve.
Sipas Qendrës Gjermane për Gjeoshkencat (GFZ), tërmeti ndodhi rreth orës 19:52 me orën lokale, rreth 38 kilometra në jugperëndim të qytetit bregdetar Bengkulu.
Epiqendra e tërmetit ndodhej në një thellësi relativisht të cekët prej vetëm 10 kilometrash, çka shtoi ndjeshmërinë e goditjes në sipërfaqe.
Një dëshmitar i pranishëm në momentin e tërmetit, i cili po qëndronte në një hotel në zonë, përshkroi momentet e panikut: “O Zot, pati një tërmet në Bengkulu dhe hoteli im po dridhej. Zot, çfarë tronditjeje ishte.”
Sipas burimeve, nuk ka akoma raportime për viktima apo dëme të mëdha materiale deri në ,por autoritetet lokale janë në terren për të vlerësuar situatën.