Presidenti amerikan, Donald Trump, ka ndezur sërish debatin publik me një postim të tijin të fundit.
Ai i ka bërë një kërcënim të hapur Afganistanit, duke kërkuar kthimin e bazës ajrore Bagram.
Në rrjetin social “Truth Social”, Trump shkroi:
“Nëse Afganistani nuk ia kthen bazën ajrore Bagram atyre që e ndërtuan, Shteteve të Bashkuara të Amerikës, GJËRA TË KËQIJA DO TË NDODHIN!!!”.
Kjo kërkesë e tij vjen pas deklaratës së bërë gjatë një vizite në Mbretërinë e Bashkuar, ku ai shprehu dëshirën për të rimarrë bazën për shkak të afërsisë së saj me Kinën.
Baza ajrore Bagram, e cila ka qenë qendra e operacioneve amerikane për dy dekada, u braktis në vitin 2021 gjatë presidencës së Joe Biden, vetëm pak javë para se talebanët të merrnin kontrollin e vendit.
Kjo braktisje, sipas Trump, la në duart e talebanëve armë dhe pasuri me vlerë 7 miliardë dollarë.
Talebanët e quajtën kërkesën e Trump “të pabazë” dhe deklaruan se nuk do ta dorëzojnë kurrë bazën, pavarësisht kërcënimeve.
Ky postim tregon se tensionet midis dy palëve mbeten të larta.
Comments are closed.