Ish-deputeti Ervin Salianji, edhe pse nuk u lejua të garojë në zgjedhjet për kreun e Partisë Demokratike, vijon takimet e tij me demokratët.
Këtë herë Salianji është ndalur në Peshkopi, ku nuk i ka kursyer akuzat ndaj kryedemokratit Sali Berisha, duke u shprehur se ai nuk mund ta sjellë më PD-në në pushtet.
Po ashtu, ai hodhi akuza se Berisha abuzon me respektin e demokratëve.
Salianji: Kjo parti nuk mund të vazhdojë më kështu. Nuk mund të pretendojmë ndryshim për Shqipërinë kur nuk ndryshojmë veten. Shqiptarët nuk e mbështesin lidershipin e PD-së. Kur nuk e themi të vërtetën, nuk ndryshojmë kurrë.
Sali Berisha nuk mund ta sjellë PD-në në pushtet, as sot, as nesër, as kurrë. Çdo ditë që ai qëndron në krye të PD-së është fitore personale për të, por humbje e madhe për Shqipërinë. Të gjithë duhet të kenë guximin ta thonë në publik. Ai abuzon me respektin e demokratëve, abuzon me moshën.
Comments are closed.