Detaje të reja janë zbardhur nga mbledhja e grupit parlamentar të Partisë Socialiste, që po zhvillohet aktualisht.
Mësohet se kryeministri Edi Rama u ka lënë disa porosi deputetëve, teksa u ka kërkuar që të jenë aktivë në zonat ku janë zgjedhur dhe të mbajnë takime me elektoratin.
Po ashtu, fokus të veçantë dhe përqendrim shefi i qeverisë ka kërkuar edhe për ligjet e rëndësishme që lidhen me integrimin e vendit në BE. Më herët, u bë me dije gjithashtu se puna për dy komisionet e posaçme, atë për Reformën Zgjedhore dhe Territoriale do të vijojë sipas axhendës së përcaktuar pavarësisht se Berisha ka njoftuar “bojkotimin”.
Pas fjalës së tij, Rama është larguar nga salla, teksa mbledhja me anëtarët vijon.
