një ngjarje e rëndë është regjistruar në Itali pasi një 41-vjeçar brazilian vrau ish-të dashurën e tij me thikë, në Castelnuovo Del Garda, të Italisë.
Mediat italiane shkruajnë se autori i krimit është me origjinë braziliane dhe quhet Douglas Reis Pedroso. Viktima, 33 vjeç, quhej Jessica Strapacciolo Custodio De Lima, gjithashtu me origjinë braziliane.
Pedroso i telefonoi karabinierëve vonë mbrëmë, duke thënë se kishte ndërmend të kryente vetëvrasje. Pas disa orësh, trupi i gruas u gjet në apartamentin ku jetonte, ndërsa thika e përdorur nga autori i krimit u gjet në makinën e tij.
Në të kaluarën, 33-vjeçarja i kishte telefonuar vazhdimisht karabinierëve për shkak të sjelljes së dhunshme të partnerit të saj, por më pas e kishte tërhequr padinë.
Prillin e kaluar, Douglas Reyes Pedrozo u dorëzua me një urdhër gjykate që e ndalonte të ishte brenda 500 metrave nga shtëpia dhe vendi i punës i ish-partneres së tij, dhe iu urdhërua të mbante një “byzylyk elektronik”.
Urdhri ishte pasojë e arrestimit të Pedrozos për sulm të përsëritur ndaj gruas në publik, duke përdorur grushte dhe objekte të mprehta.
Megjithatë, gjatë arrestimit të tij dje, karabinierët përcaktuan se burri nuk e mbante byzylykun specifik, i cili ende nuk është gjetur.
