Një kandidat për president në Kolumbi është qëlluar tri herë me armë zjarri, gjatë mittingu në kryeqytetin, Bogota.
Miguel Uribe Turbay, 39 vjeç, u qëlluar me dy plumba në kokë ndërsa po u drejtohej disa njerëzve në një park të shtunën.
Policia ka arrestuar një të dyshuar në vendin e ngjarjes, sipas mediave lokale.
Gruaja e Uribes, Maria Claudia Tarazona, i kërkoi kombit të lutet për jetën e tij.
“Miguel po lufton aktualisht për jetën e tij,” tha ajo.
Në video shihet momenti kur ai u qëllua në kokë ndërsa po fliste, duke bërë që të njerëzit e mbledhur të bërtisnin në panik.
Mjekët thanë se ai ishte qëlluar në gju dhe dy herë në kokë, raportoi agjencia e lajmeve AFP.
Ai u transportua me helikopter në klinikën Sante Fe ku mbështetësit janë mbledhur jashtë.
Qeveria e Presidentit Gustavo Petro dënoi me forcë sulmin si një “akt dhune jo vetëm kundër personit të tij, por edhe kundër demokracisë”.
Sekretari i Shtetit i SHBA-së Marco Rubio gjithashtu dënoi sulmin si një “kërcënim të drejtpërdrejtë për demokracinë”.
Uribe njoftoi kandidaturën e tij për zgjedhjet presidenciale të vitit të ardhshëm në tetor.
Ai është nga një familje e shquar politike në Kolumbi, me lidhje me Partinë Liberale të vendit. Babai i tij ishte një udhëheqës sindikate dhe biznesmen.
Nëna e tij ishte Diana Turbay, një gazetare e cila u vra në vitin 1991 në një përpjekje për t’u shpëtuar pasi ishte rrëmbyer nga karteli i drogës Medellin i drejtuar në atë kohë nga Pablo Escobar.
