Një ngjarje e rëndë është zbuluar në Halkidiki të Greqisë, ku autoritetet po hetojnë gjetjen e një qeseje me eshtra njerëzore në një zonë pyjore në Pefkohori.
Zbulimi u bë pasditen e së enjtes rreth orës 17:30, në zonën Glarokavos, nga kryetari i komunitetit, Giorgos Tsirkoudis, i cili ndodhej në vendngjarje së bashku me punëtorë për punime pastrimi.
Sipas informacioneve të fundit, trupi është gjetur pa kokë.
Në një deklaratë për median lokale thestival.gr, Tsirkoudis tha: “Ishte saktësisht ora 5:30 kur gjeta një qese të mbështjellë, e cila ishte e grisur në disa vende. Në fillim mendova se bëhej fjalë për eshtra kafshe, por në fund rezultoi se brenda ishte trup njeriu.
Kur e pashë më nga afër, dallova një dorë me unazë. Ishte një person. Pranë ndodhej edhe një valixhe; besoj se trupi ishte brenda saj dhe, për shkak të pastrimit të zonës, doli në sipërfaqe”.
Në hetime po merr pjesë Nën-Drejtoria për Krimet kundër Jetës dhe Pronës, pjesë e Nën-Drejtorisë për Luftën kundër Krimit të Organizuar në Greqinë Veriore.
Comments are closed.