Një fëmijë trevjeçar ka rënë nga ballkoni i një pallati në zonën e Skelës, duke humbur jetën minuta më pas në spitalin e Vlorës, megjithë përpjekjet e bëra nga bluzat e bardha për ta shpëtuar.
Menjëherë në vendngjarje pas njoftimit mbrëmjen e sotme (12 prill), kanë mbërritur ambulanca, të cilat e kanë transportuar të miturin drejt Spitalit Rajonal të Vlorës. Rënia ka ndodhur nga kati i katërt.
Sipas mjekëve, gjendja shëndetësore e fëmijës paraqitej shumë e rëndë, për shkak të dëmtimeve të shumta të marra nga rënia.
Bluzat e bardha bënë përpjekje maksimale për ta mbajtur në jetë, por situata ishte kritike dhe fëmija nuk mbijetoi dot.
Paraprakisht dyshohet se rënia ka qenë aksidentale, teksa vogëlushi ka rënë nga ballkoni i apartamentit të tij teksa ishte duke luajtur.
Policia ndodhet në vendngjarje dhe hetimet për zbardhjen e saj janë ene aktive, ku po mblidhen dëshmi nga familjarët dhe banorët.
Comments are closed.