Më shumë se 200 persona kanë humbur jetën pas shembjes së një miniere në Republikën Demokratike të Kongos. Miniera u shemb si shkak i rrëshqitjes së dheut pas shirave të rrëmbyeshëm.
Sipas raportimit të BBC, në mesin e viktimave ka edhe gra edhe fëmijë të cilët punonin pranë minierës duke nxjerrë koltan. Një ish-mbikqyrës i minierës tha për BBC se miniera nuk mirëmbahej siç duhet, duke i bërë aksidentet më të mundshme.
Minierat në Rubaya përmbajnë rreth 15% të furnizimit botëror me koltan dhe gjysmën e depozitave totale të Republikës Demokratike të Kongos.
Xeherori metalik përmban tantal, i cili përdoret për të prodhuar kondensatorë me performancë të lartë në një gamë të gjerë pajisjesh elektronike, duke e bërë atë shumë të kërkuar në të gjithë botën.
Por pavarësisht pasurisë së madhe minerale që Kongo ka, më shumë se 70% e njerëzve jetojnë me më pak se 2.15 dollarë në ditë (260 lekë të reja) burimi BBC
Comments are closed.