Një raport i publikuar në vitin 2015 nga faqja e njohur “Ashley Madison”, e cila njihet për ndërmjetësimin e lidhjeve jashtëmartesore, ka hedhur dritë mbi profesionet që shfaqen më shpesh mes përdoruesve të saj.
Sipas të dhënave të mbledhura, mësuesit, sipërmarrësit dhe agjentët e pasurive të paluajtshme rezultojnë më të përfshirë në tradhti bashkëshortore, ndërsa në listë janë përfshirë edhe infermierë dhe punonjës të shëndetësisë.
Ekspertët theksojnë se këto rezultate nuk duhet parë si pasqyrë e përgjithshme e shoqërisë, pasi të dhënat vijnë nga një platformë ku përdoruesit janë regjistruar enkas për lidhje jashtëmartesore.
Megjithatë, sipas psikologëve, profesione me orare të gjata, lodhje emocionale dhe përgjegjësi të lartë, si ato në shëndetësi, mund të krijojnë rrethana ku kufijtë mes jetës profesionale dhe personale bëhen më të paqartë.
Duke u bazuar në këtë raport, debati mbi lidhjen mes profesionit dhe prirjes për tradhti vijon të mbetet i hapur.
