Makina që shikoni në foton e mësipërme, është mjeti i cili u shkrumbua këtë të hënë në Qafën e Llogarasë, brenda së cilit u gjet i djegur edhe një person.
Raportohet se mjetit i janë shkrumbuar targat duke e bërë të vështirë të identifikohet në pronësi të kujt është.
Paraprakisht dyshohet se viktima i ka dhënë fund jetës duke u djegur brenda mjetit, por nuk përjashtohet edhe mundësia e një atentati.
Pritet të konfirmohet nëse kemi të bëjmë me një ngjarje kriminale apo si rrjedhojë e djegies së makinës ka humbur jetën edhe ky shtetas.
“Rreth orës 14:35, pas një njoftimi të marrë në sallën operative të DVP Vlorë, shërbimet e Policisë janë nisur drejt vendit të quajtur “Qafa e Llogarasë”, ku kanë konstatuar një automjet duke u djegur. Brenda automjetit dyshohet se si pasojë e zjarrit, ka humbur jetën dhe është djegur një shtetas ende i paidentifikuar, në sediljen e drejtuesit të mjetit”,– njoftoi Policia.
Detaje të reja kanë dalë në dritë nga ngjarja e rëndë e regjistruar këtë të hënë, ku një person u dogj brenda një makine të përfshirë nga flakët, në vendin e quajtur “Qafa e Llogarasë”.
Bëhet me dije se personi, ende i paidentifikuar është gjetur i djegur në sediljen e shoferit, teksa makina është shkrumbuar thuajse totalisht, madje i janë djegur edhe targat.
Paraprakisht dyshohet se personi ka mbyllur dyert e mjetit dhe i ka vendosur vetë flakën makinës për ti dhënë fund jetës, megjithatë pistat e hetimit pritet të konfirmohen në vijim pasi nuk përjashtohet edhe pista e ndonjë atentati.
“Rreth orës 14:35, pas një njoftimi të marrë në sallën operative të DVP Vlorë, shërbimet e Policisë janë nisur drejt vendit të quajtur “Qafa e Llogarasë”, ku kanë konstatuar një automjet duke u djegur. Brenda automjetit dyshohet se si pasojë e zjarrit, ka humbur jetën dhe është djegur një shtetas ende i paidentifikuar, në sediljen e drejtuesit të mjetit.”,- thuhet në njoftimin e Policisë.
