Një lajm i trishtë ka mbërritur nga Kosova ku raportohet se punonjësi i Korporatës Energjetike të vendit, i cili u plagos dje në krye të detyrës, ka mbyllur sytë përgjithmonë në spital.
Edhe pse u dërguar mbrëmjen e djeshme me plagë të rënda në trup pasi mbeti i plagosur në orarin e punës, sot u bë me dije se Haxhi (Selatin) Gojnovci nuk ka arritur t’u mbijetojë dot plagëve të marra.
I ndjeri mësohet se ishte pjesë e KEK-ut që nga viti 1985. Për më shumë se katër dekada ai ka kontribuar në këtë koorporatë.
Të shumta kanë qenë reagimet për ndarjen nga jeta në mënyrë tragjike të Haxhi (Selatin) Gojnovci. E trishtuar për ngjarjen e rëndë ka reaguar dhe korporata ku ai shërbeu për më shumë se 40 vite të jetës së tij.
“Me zemër të thyer ju njoftojmë se, në vendin e punës, ka ndërruar jetë kolegu ynë i dashur, HAXHI GOJNOVCI. Haxhiu u nda nga jeta në krye të detyrës, gjatë punës në Eskavatorin Rotorik në Qymyr. Ai ishte punëtor i DPQ-së në KEK dhe do të kujtohet gjithmonë si punëtor i përkushtuar, koleg i dashur, njeri i respektuar dhe familjar shembullor. Sindikatës së Re – KEK i shpreh ngushëllimet më të sinqerta familjes Gojnovci, të afërmve dhe të gjithë kolegëve” shkruhet në reagimin e bërë nga Sindikata e KEK-ut.
Deri më tani nuk janë dhënë akoma detaje për vendin apo orën kur do t’ i jepet lamtumira e fundit Gojnovcit, ndërsa pritet të dalin detaje të reja në vijim.
