Një raport i porositur nga Bashkia e Tiranës për cilësinë e ajrit zbulon një realitet alarmant për shëndetin e qytetarëve.
Të dhënat tregojnë se kryeqyteti shqiptar jo vetëm që i tejkalon shumëfish normat e lejuara të Bashkimit Evropian dhe Organizatës Botërore të Shëndetësisë (OBSH) për ndotësit kryesorë, por renditet si kryeqyteti më i ndotur në të gjithë kontinentin evropian.
I ftuar në nje emision televiziv, Jonathan Pano, anëtar i Këshillit Bashkiak të Tiranës në radhët e opozitës, tregoi se raporti, i cili i ka kushtuar buxhetit të bashkisë rreth 150,000 euro, paraqet një sërë problematikash që hedhin dyshime mbi transparencën dhe saktësinë e tij.
Dokumenti nuk përmban emrat e autorëve dhe, theksoi Pano, duke shtuar se ai përdor vlera reference të gabuara, të cilat e zbusin artificialisht gravitetin e situatës.
Sipas Panos, burimet kryesore të ndotjes janë ndërtimet masive pa kriter dhe djegia e mbeturinave në landfillin e Sharrës.
Kjo është një çështje që duhet të shqetësojë të gjithë. Pra është një situatë dhe është një diskutim që shkon përtej krahëve politikë, majtas apo djathtas. Sepse të gjithë ne që jetojmë, të gjithë ne që jetojmë në Tiranë, të gjithë ne që kemi zgjedhur të ndërtojmë familjet tona, të ardhmen tonë këtu, jemi të prekur në mënyrë të drejtpërdrejtë nga kjo situatë kaotike. Në fakt Bashkia e Tiranës po harton për herë të parë një raport për monitorimin e cilësisë së ajrit. Dhe në këtë raport, që ishte i krijuar nga një operator ekonomik, së pari vumë re që kishte disa problematika madhore. Së pari, , kostoja e cila ishte vetëm për krijimin e këtij raporti afrohej me, tek shifra rreth 150,000 euro, vetëm për një raport. Dhe që në krye të herës, raporti nuk kishte as emrat e autorëve por kishte vetëm organizatën apo biznesin i cili është bërë me, ëh, që ka bërë publikimin e këtij raporti.
Ka patur një problem madhor edhe me metodologjinë e krijimit të këtij raporti, por pa i hyrë shumë detajeve, u krijua për të krijuar një perceptim të qartë se çfarë po ndodh në Tiranë. Gjatë vitit të fundit, në qershor, korrik, në gusht dhe tetor, nëntor, janë bërë disa matje në Tiranë, që për hir të vërtetës kanë qenë matje 24 orarëshe, nuk kanë qenë matje gjatë gjithë vitit ashtu siç duhet të jenë, dhe kanë treguar disa pika alarmante që duhet të na shqetësojnë të gjithëve. Tani, ka disa, unë ju kam dërguar dhe juve në WhatsApp një tabelë të cilën e kam nxjerrë ekstrakt, dhe në këtë kam, në këtë tabelë kam nxjerrë disa të dhëna për sa i përket ndotjes në Tiranë dhe këto shifra të cilat janë highlight-i. Për shembull, kemi PM10 i cili është pluhuri urban, këto pluhurat, grimcat e pluhurave të cilat janë shumë të dëmshme për shëndetin. Dhe vetë dokumenti i Bashkisë tregon se në pika kyçe të Tiranës pluhuri PM10 kalon mbi dyfishin e normës europiane.
Pra qytetarët nuk po marrin frymë, pra perceptim, por po marrin frymë të ndotur dhe tani është e vërtetuar dhe me dokumente nga vetë Bashkia e Tiranës dhe në qoftë se e krahasojmë me OBSH-në, kemi një normë rreth 6.9 herë më të lartë. Ndërkohë që kur diskutojmë për PM2.5 që janë grimca edhe më të rrezikshme. Ne kemi një, janë më të rrezikshme sepse ato janë më të vogla dhe shkojnë, shkojnë në gjak. Ne kemi një raport që na shkon 14 herë më i lartë. Por në dokumentin që na është përcjellë ne nga Bashkia, pjesa e vlerave të referencës janë marrë vlera të gabuara. Pra, në qoftë se Organizata Botërore e Shëndetësisë thotë që vlera e referencës, pra maksimalja është nga 5 deri në 15 mikrogram për metër kub, në raport janë nga 20 deri në 25. Tani këto nuk janë gafa dosido, sepse ndryshimi i referencave ty të ndryshon gjithë këto ratio, të ndryshon gjithë përqindjet, edhe të thonë, ne e kishim dy herë më të lartë, tani do ta ulim. Ndërkohë që aktualisht e kemi 14 herë ajrin më të ndotur sesa norma e Organizatës Botërore të Shëndetësisë. Dhe një gjë akoma më shqetësuese që duhet t’i shqetësojë të gjithë prindërit që jetojnë në këtë qytet, është plumbi. Plumbi është treguesi më alarmant, sepse është ndër pjesët më të rënda të raportit.
Ne kemi parë për shembull në sheshin Mustafa Qemal Ataturk, del që është 3.51 mikrogram për metër kub, ndërkohë që norma maksimale e aprovuar nga Organizata Botërore e Shëndetësisë, është 0.5 mikrogram për metër kub. Jemi shtatë herë më shumë. Dhe shtatë herë më shumë plumbi është i lidhur në mënyrë të drejtpërdrejtë me zhvillimet neurologjike, me problemet me autizmin, me probleme të tjera të cilat kanë të bëjnë me zhvillimin e fëmijëve. Prandaj po them që është për të vënë duart në kokë dhe çfarë ka nevojë për reagim menjëherë. Dhe ka dhe ka dhe diçka tjetër në raport që nuk dua ta lë pa përmendur. Kam nxjerrë gjithashtu një tabelë me për sa i përket qyteteve evropiane. Kryeqyteteve në të gjithë Bashkimin Evropian, dhe e dini që ne jemi kryeqyteti më i ndotur në të gjithë Bashkimin Evropian. Është Tirana e para, Athina, Shkupi, Sarajeva dhe pastaj vazhdon me radhë deri te Helsinki që është kryeqyteti më i pastër.
Dhe kjo ndotje i atribohet makinave. Dhe është e shkruajtur e zeza mbi të bardhë në raport që në Tiranë ne kemi një normë prej 160, në Shqipëri kemi një normë prej 160 makina për 1000 banorë. Dhe duke bërë një përpjesëtim shumë të thjeshtë, çdo person që di pak algjebër, në qoftë se me rregull treshi bën, kthen këto shifra, ty të nxjerrin Shqipërinë me 6.1 milionë banorë. E di se çfarë, domethënë janë, është aq absurde, saqë dhe personat që e kanë shkruar raportin nuk dinë se çfarë kanë shkruar. Tjetra, kanë shkruajtur për në Tiranë, ka 200 makina për 1000 banorë dhe prapë në qoftë se e kthen me numrin e makinave të cilat i kemi të regjistruara në qytet, që është rreth 338,000 makina, automjete të regjistruara në Tiranë, ty të del Tirana një qytet me 1.55 milionë banorë. Por që gjithsesi, edhe në qoftë se marrim shifrat reale, pasi bëra përpjesëtimet, Tirana të del rreth 557 makina për 1000 banorë. Prapë me këto të dhëna, ne kemi Madridin i cili është qyteti me 800 makina, 800 mjete ose makina për 1000 banorë, pra është kryeqyteti që është që drejton gjithë këtë renditje për sa i përket numrit të mjeteve në krahasim me popullsinë, dhe nga krahu tjetër, për sa i përket ndotjes, ne Madridin e kemi vendin e 16-të në Evropë.
A e dini që matjet janë bërë në 12 pika të Tiranës, por asnjë matje nuk është bërë në zonën e Kombinatit, apo Zall Herrit, apo të Sharrës. Pra, janë bërë më larg dhe kanë shkuar deri, për shembull, kanë shkuar në, ndjesë, në Zall Herr e kanë bërë por nuk e kanë bërë në zonën e Vaqarrit. Pra, të gjitha mendimet e mia tani më çojnë drejt idesë që ndotja kryesore së pari neve na vjen nga ndërtimi dhe së dyti nga djegia e mbeturinave që janë në landfillin e Sharrës. Pra ne kemi paguar para, paratë ne po vazhdojmë t’i paguajmë për një incenerator që nuk ekziston dhe çfarë po ndodh me këto mbetje? Apo digjen? Sepse në qoftë se janë duke u djegur, atëherë ja ku e kemi shkaktarin kryesor. Së pari. Së dyti, pse nuk është bërë asnjë matje në nivelin e ndotjes në zonën e Kombinatit, në zonën e Sharës, në zonën e Yzberishtit, por janë bërë të gjitha nëpër zona të tjera të cilat janë zona rrethuese. E gjithë Tirana është e kontaminuar dhe ky kontaminim do të japë efekte reale, do të japë efekte të drejtpërdrejta në shëndetin e njerëzve, sepse në fund të fundit fare po helmojnë fëmijët. Në fund të fundit fare po helmojnë njerëzit. Dhe kush do të mbajë përgjegjësi? Sepse Erioni kur erdhi në fillim 2015-ën, erdhi me idenë, do bëj pyllin orbital, do bëjmë 1 milionë pemë, do mbjellim këto, nuk do ndërtohen kulla. Të gjitha mashtrime. Dhe sot ne po vuajmë pasoja e keqqeverisjes së Partisë Socialiste në këto 12 vitet e fundit, por nuk janë vetëm 12 vitet e fundit, nga 2001-shi.
Comments are closed.