Ditën e djeshme Policia e Tiranës goditi në Zall Bastar, një ambient i përshtatur si laborator për falsifikimin e diplomave të shkollave të mesme, universiteteve të ndryshme, si dhe licencave profesionale.
Mësohet se në pranga ka rënë 51-vjeçari Abas Tafa, i cili kishte përshtatur në banesën e tij, një ambient ku bëhej falsifikimi i diplomave dhe licencave.
Tafa është ish-kandidat për deputet në qarkun e Tiranës i Koalicionit EuroAtlantik të drejtuar nga Lulzim Basha.
Falsifikonte diploma dhe licenca më banesën e tij, kush
Abas Tafa
Tashmë ish-kandidati për deputet do të përballet me drejtësinë.
“Seksioni i Hetimit të Krimeve Ekonomiko-Financiare, nën drejtimin e Prokurorisë, si rezultat i një pune të mirëorganizuar, finalizoi me sukses operacionin policor të koduar “Laboratori”.
Si rezultat i këtij operacioni, u arrestua shtetasi A. T., 51 vjeç.
Gjatë kontrollit të banesës së 51-vjeçarit, në Zall-Bastar, shërbimet e Policisë zbuluan një ambient të fshehtë, të kthyer në laborator për prodhimin dhe falsifikimin e diplomave të shkollave të mesme, universiteteve, programeve master dhe licencave profesionale”, thuhet në njoftimin e policisë.
Materialet procedurale iu referuan Prokurorisë së Tiranës, për veprime të mëtejshme.
Comments are closed.