Vollga News

“Një komplot i errët më ndau me Ilir Metën!” – Kujtim Cakrani zbulon detajet!

Redaksia — Mon, 29 Jun 2026 21:33:07 +0000

Avokati Kujtim Cakrani ka reaguar për herë të parë pas ndërprerjes së bashkëpunimit me Ilir Meta, duke sqaruar arsyet e largimit nga mbrojtja ligjore e ish-presidentit.

Në një intervistë për moderatoren Dafina Hysa në Top News, Cakrani tha se marrëdhënia profesionale me Metën përfundoi pas 13 muajsh përfaqësimi, duke theksuar se nuk ka ndodhur “asgjë e jashtëzakonshme”.

“Nuk ka ndodhur asgjë e jashtëzakonshme. Marrëdhëniet dhe marrëveshjet edhe prishen. Prej 13 muajsh kam qenë përfaqësues ligjor i zotit Meta dhe mendoj se e kam përfaqësuar drejt në të gjitha këndvështrimet. I kam bërë një shërbim të jashtëzakonshëm ish-presidentit. Marrëdhënia ka përfunduar sot dhe ishte krijuar një mosbesim, të paktën në dy seancat e fundit gjyqësore”, u shpreh ai.

I pyetur nëse largimi lidhej me deklaratën e tij se nuk ekziston një komplot ndaj Metës nga Monika Kryemadhi apo nga Shatku, Cakrani këmbënguli se qëndrimi i tij bazohet vetëm në provat e dosjes.

“Nga dëshmitarët dhe aktet që janë në dosje nuk kam parë asnjë komplot ndaj tij. Po, kam parë një komplot politik ndaj tij, por jo një komplot që lidhet me dosjen gjyqësore. Nuk ka asnjë komplot nga Kryemadhi dhe as nga dëshmitarët, përfshirë zotin Shatku. Zoti Meta mendon të kundërtën, por unë nuk e ndaj këtë qëndrim. Linjën time mbrojtëse nuk ma dikton dot askush”, deklaroi avokati.

Sipas Cakranit, në dosje ka “perceptime të gabuara”, por jo prova që implikojnë penalisht Metën.

“Meta është i pafajshëm dhe nuk ka prova që e implikojnë për fajësi penale, por unë ia kam thënë që komplot ndaj tij nuk ka”, tha ai.

Avokati shtoi se, sipas bindjes së tij, ekziston një komplot politik që ndaj Metës ka nisur vite më parë.

“Ka një komplot politik nga armiqtë politikë të zotit Meta që e kanë nisur që nga viti 2009. Ka vazhduar edhe gjatë aleancës me Partinë Socialiste nga segmente të caktuara të saj dhe nga njerëz që Ilir Meta i di shumë mirë, nga prokurorë, ish-prokurorë e deri tek ambasadorja Juri Kim dhe McGonigal. Zoti Meta e di shumë mirë nga kush e ka komplotin, por jo nga ata për të cilët ai ka perceptimin në mendje”, u shpreh Cakrani.

Megjithatë, ai ritheksoi se mbetet i bindur për pafajësinë e ish-presidentit.

“Unë vazhdoj të këmbëngul që zoti Meta është i pafajshëm. Ai është aty për çështje politike dhe nuk ka asnjë fakt penal kundër tij. Këtë e kam bindje dhe do ta mbaj deri në fund. Ai duhet të gjykohet në gjendje të lirë”, deklaroi avokati.

Në fund të intervistës, Cakrani u pyet edhe nëse do të pranonte të ishte avokat i Monika Kryemadhit. Ai nuk e përjashtoi këtë mundësi, duke u përgjigjur: “Kurrë mos thuaj kurrë. Profesioni të çon atje ku nuk e mendon.”

“Një komplot i errët më ndau me Ilir Metën!” – Kujtim Cakrani zbulon detajet! yazısı ilk önce Vollga News üzerinde ortaya çıktı.

Ndahet nga jeta papritur profesori i njohur shqiptar që edukoi mijëra studentë

Redaksia — Mon, 29 Jun 2026 20:56:54 +0000

Një lajm i trishtë ka ardhur këtë të hënë. Profesori Illo Stefanllari, një prej figurave më të njohura të gjuhës angleze dhe një pedagog që la gjurmë të rëndësishme në arsimimin e lartë shqiptar ka mbyllur sytë përgjithmonë.

Lajmi është bërë i ditur nga Fakulteti i Gjuhëve të Huaja i Universitetit të Tiranës, ku Prof. Dr. Stefanllari shërbeu për shumë vite si pedagog pranë Departamentit të Gjuhës Angleze, duke kontribuar në formimin akademik të brezave të tërë studentësh.

Gjatë karrierës së tij, ai u dallua jo vetëm për përkushtimin në auditor, por edhe për punën e palodhur në fushën e leksikologjisë dhe hartimit të fjalorëve dygjuhësh, vepra që mbeten referencë për studiuesit, pedagogët dhe studentët e gjuhës angleze.

Kolegët e kujtojnë si një profesor me integritet të lartë profesional, urtësi dhe përkushtim të veçantë ndaj dijes, ndërsa studentët si një pedagog që frymëzonte me njohuritë dhe humanizmin e tij.

“Në këto momente të vështira, i shprehim ngushëllimet më të sinqerta familjes, të afërmve dhe të gjithë atyre që patën privilegjin ta njohin dhe të punojnë me të”, thuhet në mesazhin e ngushëllimit të Fakultetit të Gjuhëve të Huaja.

Postimi i plotë:

Njoftim për ndarjen nga jeta të Prof. Dr. Ilo Stefanllarit

Me hidhërim të thellë njoftojmë ndarjen nga jeta të ish pedagogut Prof. Dr. Ilo Stefanllari, i cili për shumë vite dha një kontribut të vyer pranë Departamentit të Gjuhës Angleze në Fakultetin e Gjuhëve të Huaja, Universiteti i Tiranës.

Prof. Dr. Stefanllari i përkiste atij brezi pedagogësh që formuan dhe edukuan me përkushtim të lartë breza të tërë studentësh. Krahas veprimtarisë së tij pedagogjike, ai ka dhënë një kontribut të rëndësishëm edhe në fushën e leksikologjisë dhe hartimit të fjalorëve dygjuhësh, duke lënë gjurmë të pashlyeshme në zhvillimin e studimeve të gjuhës angleze në vendin tonë.

Për profesionalizmin, urtësinë dhe humanizmin e tij, ai do të kujtohet gjithmonë me respekt dhe mirënjohje nga kolegët dhe studentët.

Kontributi i tij në arsimin universitar mbetet një trashëgimi e çmuar për institucionin tonë.

Në këto momente të vështira, i shprehim ngushëllimet më të sinqerta familjes, të afërmve dhe të gjithë atyre që patën privilegjin ta njohin dhe të punojnë me të.

U prehtë në paqe!

Ndahet nga jeta papritur profesori i njohur shqiptar që edukoi mijëra studentë yazısı ilk önce Vollga News üzerinde ortaya çıktı.

Vjen njoftimin që nuk donim! Policia jep lajmin e keq për Tiranën

Redaksia — Mon, 29 Jun 2026 20:11:54 +0000

Aksidentet rrugore kanë shënuar rritje në Shqipëri gjatë muajit maj. Sipas të dhënave të publikuara nga INSTAT (te dhena te cilat burimin zyrtar e kane nga Policia e Shtetit), muajin e kaluar u regjistruan 133 aksidente rrugore, nga 116 që ishin në maj të vitit 2025. Si pasojë e tyre, 181 persona mbetën të vrarë ose të plagosur, krahasuar me 157 një vit më parë.

Edhe në pesë muajt e parë të vitit numri i aksidenteve është rritur. Nga janari në maj janë regjistruar 547 aksidente rrugore, ose 3.4% më shumë se në të njëjtën periudhë të vitit të kaluar.

Statistikat policore japin nje lajm te keq per kryeqytetin e Shqiperise. Keshtu, rritja më e madhe e aksidenteve është regjistruar në Tiranë, ku numri i aksidenteve në muajin maj u rrit nga 30 në 53. Ky eshte nje lajm qe askush qe jeton ne Tirane nuk do donte ta degjonte pasi prek drejtperdrejte sigurine rrugore.

Në rritje rezultojnë edhe Durrësi dhe Vlora, me nga 11 aksidente secili, kundrejt 7 një vit më parë. Rritje ka pasur edhe në Elbasan, nga 6 në 7 aksidente, si dhe në Berat, ku është regjistruar një aksident, ndërsa në maj të vitit të kaluar nuk ishte shënuar asnjë.

Ndërkohë, në disa qarqe është regjistruar ulje e numrit të aksidenteve. Shkodra ka shënuar rënien më të madhe, nga 13 në 7 aksidente, ndërsa ulje kanë pasur edhe Lezha, nga 15 në 11, Korça nga 9 në 6 dhe Gjirokastra nga 8 në 5. Në Fier dhe Dibër numri i aksidenteve ka mbetur i pandryshuar, ndërsa Kukësi ka regjistruar po aq aksidente sa një vit më parë.

Keshtu 94% e aksidenteve të regjistruara gjatë muajit maj kanë ndodhur si pasojë e sjelljes së drejtuesve të mjeteve. Grupmosha 25-34 vjeç përbën 30.8% të drejtuesve të përfshirë në aksidente. Dita e diel rezulton me numrin më të lartë të aksidenteve, me 18% të totalit, ndërsa harku kohor 08:00-12:00 mbetet periudha kur ndodhin më shumë aksidente rrugore.

Vjen njoftimin që nuk donim! Policia jep lajmin e keq për Tiranën yazısı ilk önce Vollga News üzerinde ortaya çıktı.

Zyrtarja e lartë e BE-së ben deklaraten para Kryeministrisë, sapo zbardhi mesazhin qe i ka derguar Rama

Redaksia — Mon, 29 Jun 2026 20:04:40 +0000

Eurodeputetja gjermane Jutta Paulus mori pjesë në protestën e 30-të të zhvilluar para Kryeministrisë, ku shprehu mbështetjen e saj për qytetarët shqiptarë dhe foli për mbrojtjen e natyrës, procesin e integrimit europian dhe një komunikim që, sipas saj, ka pasur me kryeministrin Edi Rama.

Në fjalën e saj, Paulus përgëzoi protestuesit për qëndresën, duke theksuar se pasuritë natyrore të Shqipërisë nuk duhet të shkatërrohen për interesa private dhe se zëri i qytetarëve do të përcillet në institucionet europiane.

“Natyra shqiptare është shumë e bukur dhe e mrekullueshme dhe është kaq bukur t’ju shoh që luftoni për natyrën, për flamengot dhe kundër oligarkëve që duan të shkatërrojnë atë natyrë. Ne jemi këtu për t’ju mbështetur në këtë betejë dhe do përcjellim zërin tuaj në Bruksel dhe do themi se Shqipëria nuk është në shitje, natyra nuk është në shitje!” u shpreh Paulus.

Eurodeputetja deklaroi më tej se, sipas saj, nëse Shqipëria synon anëtarësimin në Bashkimin Europian, qeveria duhet të ndryshojë ligjet që, sipas saj, favorizojnë interesa të ngushta ekonomike.

“Po luftoni për vendin tuaj, por edhe për të drejtat tuaja, për t’u dëgjuar. Sepse kjo është në ligjet evropiane. Nëse Shqipëria do bashkohet me BE, që ju e meritoni kaq shumë, atëherë qeveria juaj duhet të ndryshojë ligjin, duhet të heqë ligjin që kanë ndryshuar për miliarderët dhe që nuk e bënë për të mirën e shqiptarëve, por vetëm për xhepat e tyre dhe miqtë e tyre! Faleminderit për këtë protestë edhe pse qeveria kërkon t’ju intimidojë dhe t’ju largojë nga të drejtat tuaja.”

Në fund të fjalës së saj, Paulus deklaroi se kishte marrë një email nga kryeministri Edi Rama, përmes të cilit, sipas saj, i ishte kërkuar të mos mbështeste një amendament në Parlamentin Europian. Ajo tha se amendamenti u votua pavarësisht kësaj kërkese.

“Tineke e përmendi rezolutën duke kërkuar moratorium. Unë mora email nga Edi Rama duke më thënë të mos votoj për një amendament, por sigurisht ne votuam për atë amendament sepse ligji evropian duhet të jetë në fuqi dhe ai nuk është për shitje po ashtu! Vijoni betejën tuaj, do bëjmë më të mirën për të mbështetur luftën tuaj në Bruksel. Shqiptarët meritojnë më shumë se qeveria e tyre.”-përfundoi ajo.

Zyrtarja e lartë e BE-së ben deklaraten para Kryeministrisë, sapo zbardhi mesazhin qe i ka derguar Rama yazısı ilk önce Vollga News üzerinde ortaya çıktı.

Ankthi i Edi Ramës; Frikë se i ikin 20 deputetë pas Marjana Koçekut?

Redaksia — Mon, 29 Jun 2026 18:33:31 +0000

Mes kërcënimit për zgjedhje të parakohshme, akuzave për “dezertim” dhe premtimeve për poste, kryeministri po përpiqet të zbulojë kush do ta lërë vetëm në kulmin e krizës politike…

Edi Rama ka hyrë sot, pa asnjë paralajmërim, në mbledhjen e Grupit Parlamentar të Partisë Socialiste, ku ka lexuar një tekst me tone të forta paralajmëruese për deputetët dhe ka paraqitur një plan monitorimi të aktivitetit të tyre politik.

Kryeministri ka shfryrë hapur pakënaqësinë, duke deklaruar se as 10 për qind e deputetëve të Partisë Socialiste nuk kanë qenë aktivë në atë që ai e ka cilësuar si “luftë” e hapur kundër Shqipërisë.

Duke folur shkurt, por prerë, Rama u ka bërë të ditur se nuk ekziston asnjë justifikim për faktin që Grupi Parlamentar i PS-së ka qenë pothuajse tërësisht pasiv në rrjetet sociale, pikërisht në momentin kur, sipas tij, duhej të ishte në vijën e parë të mbrojtjes së qeverisë.

Sipas burimeve, Edi Rama ka deklaruar se është gati ta çojë vendin në zgjedhje të jashtëzakonshme brenda 45 ditëve, nëse deputetët socialistë e konsiderojnë veten pjesë të protestës që kërkon rrëzimin e mazhorancës.

“Në këtë rast,” mësohet të ketë thënë ai, “mbetet vetëm një zgjidhje: të dalim përsëri para votuesve socialistë me një skuadër krejtësisht të rinovuar.”

Sipas të njëjtave burime, Rama ka shtuar se në atë skuadër do të jenë vetëm ata që duan që kjo mazhorancë të drejtojë procesin e integrimit të Shqipërisë në Bashkimin Europian.

Edhe pse nuk përmendi asnjë emër, ai ka paraqitur një grafik, sipas të cilit rreth 85 për qind e Grupit Parlamentar, duke nisur nga sekretariati dhe drejtuesit e partisë, kanë qenë indiferentë në këtë betejë politike.

“Ky është një dezertim”, mësohet të ketë thënë Rama.

Më pas ai ka prezantuar një plan të përgatitur nga zyra e tij e komunikimit, sipas të cilit çdo deputet do të jetë i detyruar të shpërndajë sistematikisht postimet e kryeministrit, si dhe të prodhojë video nga zonat ku është zgjedhur, për të treguar mbështetjen e komuniteteve ndaj qeverisë.

Lista e paraqitur ka qenë e gjatë.

Qark pas qarku, janë analizuar deputetët që, sipas vlerësimit të kryeministrit, nuk kanë bërë as përpjekjen minimale për të hyrë në “llogoren” e betejës.

“Mirë gomari ngordhi, por nuk po na lënë rehat as mizat”, mësohet të ketë thënë Rama, duke iu referuar “neomalësores”, për të cilën ai dyshon se nuk është e vetme brenda Grupit Parlamentar.

Në fakt, këto zëra kanë qarkulluar që para largimit të Marjana Koçekut dhe pas pozicionimit publik të Elisa Spiropalit.

Në atë kohë u fol se rreth 20 deputetë të Partisë Socialiste ishin të gatshëm të largoheshin nga grupi parlamentar.

Por deri tani kjo nuk ka ndodhur.

Madje as Elisa Spiropali nuk ndërmori hapin që bëri Marjana Koçeku, edhe pse qëndrimet e saj publike kanë qenë shumë më të forta.

Pikërisht kjo duket se e ka futur në ankth Edi Ramën.

Ai po përpiqet të provokojë daljen në sipërfaqe të atyre që i konsideron “tradhtarë”, sepse ka frikë se ata mund të veprojnë në kulmin e krizës ose në momentin kur presioni ndërkombëtar për largimin e tij të bëhet maksimal.

Sipas Kushtetutës, edhe në rast se Edi Rama jep dorëheqjen, zgjedhjet e parakohshme nuk shpallen automatikisht.

Nëse në Kuvend krijohet një shumicë prej të paktën 71 deputetësh dhe kjo i komunikohet Presidentit të Republikës, mund të formohet një shumicë e re parlamentare pa shkuar në zgjedhje.

Edhe nëse kjo nuk ndodh, dorëheqja e kryeministrit hap një proces të ri politik, ku deputetët mund të shprehen më lirshëm, pa qenë nën të njëjtin presion politik.

E vetmja mënyrë që zgjedhjet e parakohshme të shpallen menjëherë është nëse vetë shumica parlamentare kërkon shpërndarjen e Kuvendit.

Por edhe ky skenar, sipas shumë vëzhguesve, mund të përballet me kundërshtimin e faktorëve ndërkombëtarë.

Prandaj Rama nuk ka përdorur ende shkopin.

Sipas burimeve, ai ka deklaruar se në një mbledhje tjetër, shumë shpejt, do të diskutohet edhe nevoja për një kabinet të ri qeveritar, që sipas tij duhet të gëzojë mbështetje më të madhe publike.

Por përveç fjalimit para grupit, mësohet se Rama ka zhvilluar edhe takime të veçanta me ata që konsiderohen “kandidatët për tradhtarë”, duke u premtuar poste dhe favore të tjera politike.

Megjithatë, sipas të njëjtave burime, këto “karamele” nuk kanë arritur të bindin shumicën e deputetëve që janë thirrur individualisht.

Prej ditësh, në Partinë Socialiste mbizotëron një atmosferë e tensionuar.

Madje, mes deputetëve ka nisur të qarkullojë edhe shprehja “listat e pushkatimeve”, e cila, sipas burimeve, është përmendur edhe gjatë mbledhjes së sotme.

Edhe pse Rama deklaroi se nuk e ka problem të largohet nga pushteti, ai shtoi se kërkesat më të shumta që ai të qëndrojë nuk po vijnë nga Grupi Parlamentar i PS-së, por nga “krahu tjetër”.

Një mesazh që u interpretua si përpjekje për të lënë të kuptohet se ai ka ende mundësi të sigurojë shumicën parlamentare edhe përmes mbështetjes së deputetëve jashtë Partisë Socialiste.

Megjithatë, sipas shumë deputetëve të pranishëm, kjo u perceptua më tepër si një bllof i vogël politik sesa si një lëvizje e mirëfilltë strategjike./Pamfleti

Ankthi i Edi Ramës; Frikë se i ikin 20 deputetë pas Marjana Koçekut? yazısı ilk önce Vollga News üzerinde ortaya çıktı.

Sinoptikania Porja tregon kur do bien temperaturat në Shqipëri

Redaksia — Mon, 29 Jun 2026 17:01:06 +0000

Në një lidhje direkte për Ora News, sinoptikania Lajda Porja ka folur për ndryshimet e pritshme të motit në vend gjatë ditëve në vijim, duke dhënë një panoramë të qartë të temperaturave dhe reshjeve.

Ajo bëri me dije se vendi po kalon një fazë të nxehtë me temperatura që sot arrijnë deri në 40 gradë në disa qarqe, ndërsa në ditët në vijim pritet një rënie graduale.

“Territori shqiptar do të ketë një freskim të motit dhe një normalizim të temperaturave. Sot priten deri në 40 gradë në Shkodër dhe Elbasan.”-tha ajo.

Sipas parashikimeve, të martën dhe të mërkurën temperaturat do të ulen lehtë me rreth 0.5 deri në 1 gradë, duke mbetur ende në vlera të larta 38–39 gradë.

“Të enjten pritet ndryshimi më i madh, me rënie prej 4 deri në 5 gradë. Nga ajo ditë e në vijim temperaturat do të stabilizohen në 33–34 gradë.”-shtoi Porja.

Nga e enjtja deri në fundjavë, moti pritet të jetë më i qëndrueshëm me temperatura më të ulëta krahasuar me ditët e fundit, ndërsa pasditeve do të ketë reshje në pjesën më të madhe të vendit, kryesisht në zonat lindore.

Qytete si Tirana, Elbasani, Librazhdi, Gjirokastra, Përmeti dhe Tepelena rrezikojnë rrebeshe shiu, ndërsa bregdeti do të mbetet kryesisht i kthjellët, me përjashtim të ndonjë reshjeje të shkurtër në zonën e Velipojës.

Parashikimi tregon se paraditet do të vijojnë me mot të nxehtë dhe me diell, ndërsa pas orës 15:00–16:00 pritet shtim i vranësirave dhe reshjeve në shumë zona të vendit.

Sinoptikania Porja tregon kur do bien temperaturat në Shqipëri yazısı ilk önce Vollga News üzerinde ortaya çıktı.

Zbulohet avokati i ri i Ilir Metës

Redaksia — Mon, 29 Jun 2026 15:55:58 +0000

Ilir Meta ka bërë ndryshime në ekipin e tij të mbrojtjes ligjore, duke larguar nga përfaqësimi avokatin Kujtim Cakrani, ndërsa ende nuk ka bërë publik emrin e avokatit që do ta zëvendësojë në proceset gjyqësore.

Sipas burimeve pranë paraburgimit 313, ditët e fundit Meta është vizituar nga avokati Bujar Musta, i cili është paraqitur disa herë në ambientet e paraburgimit për takime me të.

Të njëjtat burime bëjnë me dije se avokati Musta ka paraqitur edhe një prokurë përfaqësimi në emër të Metës, por ende nuk është e qartë nëse ai do të jetë pjesë e mbrojtjes në gjykimin e themelit apo do të përfaqësojë ish-presidentin në procese të tjera ligjore, përfshirë edhe në instanca ndërkombëtare.

Emërimi i mundshëm i tij pritet të sqarohet në seancën e radhës në GJKKO, e cila është caktuar më 9 korrik.

Zbulohet avokati i ri i Ilir Metës yazısı ilk önce Vollga News üzerinde ortaya çıktı.

Dyshohej se u mbyt në det, gruaja gjen burrin pas 3 orësh në …

Redaksia — Mon, 29 Jun 2026 15:05:36 +0000

Një ngjarje që shkaktoi alarm mes pushuesve dhe autoriteteve në bregdetin e Shëngjinit përfundoi fatmirësisht pa pasoja.

Disa media raportuan se një shqiptar i Kosovës u raportua i zhdukur në det, duke ngritur dyshimet se mund të ishte mbytur. Menjëherë pas njoftimit, u angazhuan forcat e kërkim-shpëtimit, të cilat për rreth tre orë zhvilluan kërkime intensive në zonën detare me mjete lundruese.

Ndërkohë që operacioni vijonte, bashkëshortja e tij e gjeti burrin shëndoshë e mirë në një kafene pranë bregdetit.

Mësohet se ai ishte larguar nga plazhi pa njoftuar familjarët, duke bërë që të krijohej alarmi dhe të niste operacioni i kërkimit.

Dyshohej se u mbyt në det, gruaja gjen burrin pas 3 orësh në … yazısı ilk önce Vollga News üzerinde ortaya çıktı.

e papritur kjo qe sapo deklaroi Edi Rama! Shume shpejt pritet qe…

Redaksia — Mon, 29 Jun 2026 14:55:11 +0000

Kryeministri Edi Rama duket se po përgatit një plan radikal spastrimesh drastike në qeverisje dhe administratë. Burime konfidenciale konfirmojnë se lëvizja e parë e madhe e këtij operacioni kirurgjikal pritet të jetë heqja e imunitetit të ish-zv/kryeministres Belinda Balluku për t’i hapur rrugë arrestimit të saj nga Prokuroria e Posaçme (SPAK), e ndjekur nga një valë ndryshimesh rrënjësore në kabinetin ministror dhe administratë. Këto prerje “kokash” në nivelet më të larta të pushtetit vjen si një manovër e pastër mbijetese politike. Pas javësh të tëra, ku e sulmonte dhe e etiketonte protestën masive popullore kundër tij dhe klasës politike në tërësi që ka mbërthyer Tiranën prej 29 ditësh, si të manipuluar nga interesa të huaja, organizata dhe influencerë, kryeministri Rama ka bërë dje një kthesë dramatike 180 gradë, duke filluar tërheqjen e menjëhershme nga gjuha e forcës me protestuesit.

Prapaskenat

Prapaskenat e kësaj kthese u zbuluan dje gjatë podcast-it të tij “Flasim”, ku Rama bëri një lëvizje të mirëllogaritur taktike: ai lexoi publikisht mesazhin e një qytetari të thjeshtë, Amos Mezuraj, i cili endej prej gjashtë vitesh dyerve të shtetit për një pallat të dëmtuar nga tërmeti. Në një deklaratë që ka shokuar vetë strukturat e tij, Rama pranoi publikisht se po të ishte në vendin e qytetarit “me shumë gjasa do të shkonte edhe vetë në protestë”, duke e quajtur zemërimin e njerëzve plotësisht legjitim. “Tani, unë dua ta them shumë qartë dhe shumë drejtpërdrejt: kjo është protesta që mua më intereson, që mua më zemëron po ashtu, që mua më motivon të vazhdoj luftën time.

Nuk më zemëron mua protesta e sikur-eve, as protesta e shtirjeve. Ajo më neverit; kjo më zemëron. Dhe nëse do të isha në vendin tënd, i dashur Amos, pas gjashtë vitesh pritje, dyersh që hapen e mbyllen, premtimesh që treten, përgjigjesh që delegojnë përgjegjësinë te dikush tjetër, me shumë gjasa unë do të ndihesha njësoj; me shumë gjasa edhe unë do të ndihesha pjesë e asaj proteste ose do të shkoja edhe vetë në protestë. Kështu që nuk e vë në dyshim për asnjë moment. Përkundrazi, e ndjej, sado që mund të mos ta besosh.

Lexo gjithashtu: Berisha befason me reagimin për ndarjen nga jeta të Fatos Nanos
E ndjej zemërimin tënd si të ishte imi. Dhe mesazhi yt është këtu, i nxjerrë. Kam plot të tilla, se është shembulli më i mirë i diçkaje që unë e kam thënë vazhdimisht këto ditë. Jo çdo njeri që bashkohet në protestë është aty për një arsye. Ka plot njerëz që nuk i çon në bulevard ndonjë ideologji, a ndonjë parti, a ndonjë inat abstrakt. Nuk i çojnë as like-et, as folloëers-at për të joshur sot protestues që nesër janë klientë dhe për t’u shitur pastaj produktet e influencerimit. Nuk i çojnë aty as bindjet ambientaliste, që janë fisnike patjetër, as impulset e verbra nacionaliste, as manipulimet apo, më keq akoma sesa manipulimet, misionet e ndryshme për të manipuluar të tjerët, por i çon një hall që, në fund të fundit, kthehet në një zemërim dhe një zemërim që kthehet në një shpërthim, një padrejtësi që e ndjen mbi shpinë.

Kjo është legjitime. Ke shumë të drejtë. Askush nuk duhet detyruar t’i shkruajë kryeministrit, sepse institucionet që paguhen për t’i adresuar këto probleme s’e kanë bërë punën e tyre. Por, nga ana tjetër, unë personalisht çdo mesazh që marr e ndjek; siç e thua edhe në mesazhin tënd, më keni shkruar një vit më parë dhe unë e kam çuar te autoriteti kompetent”, u shpreh Rama. Por kjo deklaratë e bërë nga shefi i qeverisë nuk është thjesht një reflektim, por një thikë pas shpine për njerëzit e tij më të afërt. Duke pranuar se njerëzit dalin në bulevard nga hallet e pazgjidhura dhe dështimi i administratës, Rama ka firmosur de-facto “vdekjen politike” të Belinda Ballukut dhe ministrave të tjerë të linjës, duke ua faturuar atyre të gjithë dështimin dhe mllefin popullor.

Skandali i “Financial Times” dhe lufta me “keqen me shumë koka”

Ndërkohë kjo strategji e re e kryeministrit vjen direkt pas panikut të shkaktuar nga intervista e tij bombë për median prestigjoze “Financial Times”, ku deklarata e tij se kujtdo që e quan “kumbari i Shqipërisë” do t’i përgjigjej me “Fuck you”, ndezi një zjarr të madh politik. Në një video sqaruese të publikuar dje në rrjetet sociale, Rama u përpoq të zbuste goditjen, duke mohuar që kjo sharje t’u drejtohej shqiptarëve, por duke ia faturuar atë akuzuesve dhe baltosësve të tij ndër vite, duke pretenduar se gazetari i huaj kishte veçuar vetëm atë fragment nga një orë bisedë.

“Unë nuk ua kam thënë kurrsesi shqiptarëve atë fjalë. Gazetari më ka pyetur se si u përgjigjesh atyre që të akuzojnë se je kumbari i Shqipërisë. I thashë fjalën që meriton kushdo që më akuzon prej vitesh dhe nuk ka lënë dy gurë bashkë për të më baltosur e varrosur. Nga një orë bisedë e lirë, gazetari zgjodhi pikërisht atë pjesë. Me t’u neutralizuar e keqja e madhe me shumë koka që ka kapur për fyti protestën, do të kthehem drejt masës domethënëse të njerëzve dhe do t’u them se çfarë kam kuptuar nga e gjithë kjo nevojë e tyre për të protestuar dhe si mendoj unë se duhen adresuar ato që, së brendshmi, sinqerisht i thërrasin njerëzit drejt protestës, drejt nevojës për t’u dëgjuar, drejt admirimit për ata që protestojnë në emër të tyre”, nënvizoi dje Rama. Por intriga thellohet edhe më tej, teksa kryeministri Edi Rama ka shpallur një strategji të re e ndarë në dy faza për të shuar revoltën përpara goditjes finale në qeveri:

Faza 1: Neutralizimi i organizatorëve. Ai deklaroi se sapo të “neutralizohet e keqja e madhe me shumë koka” që sipas tij, ka kapur për fyti protestën, ai do të ndërhyjë vetë.

Faza 2: Përpirja e kauzës. Rama ka paralajmëruar se do t’i kthehet masës domethënëse të njerëzve që protestojnë sinqerisht për t’u adresuar shqetësimet.

Pra e gjithë kjo tregon se koha e arrogancës ka mbaruar, ndërsa për të shpëtuar karrigen e tij përballë bulevardit të mbushur plot me protestues, kryeministri Edi Rama ka vendosur të sakrifikojë “të paprekshmit” e qeverisë së tij, ku “koka” e Belinda Ballukut pritet të jetë vetëm e para që do të bjerë në këtë spastrim drastik, për shkak se do të hidhen në “gojën” e SPAK, ndërkohë që pritet të ketë edhe ndryshime në nivel ministrash dhe drejtorë administrate.

e papritur kjo qe sapo deklaroi Edi Rama! Shume shpejt pritet qe… yazısı ilk önce Vollga News üzerinde ortaya çıktı.

“Ujë me kripë çdo 1 orë”, këshillat e mjekes për të përballuar temperaturat e larta

Redaksia — Mon, 29 Jun 2026 14:51:24 +0000

Mjekja shqiptare në Gjermani, Aurora Dollenberg, ka dhënë disa këshilla për të përballuar temperaturat e larta të këtyre ditëve.

“Ne këshillojmë që çdo 1 orë të pihet një gotë ujë me kripë që muskujt të mos vuajnë nga dobësia. Sepse kur janë temperaturat e larta ndjejmë një lodhje trupore, dhimbje koke, marrje mendsh… pikërisht sepse trupit i mungojnë kripërat”, tha Dollenberg në një lidhje direkte me studion e “Dita Jonë”.

“Prandaj duhet parandaluar kjo lodhje në kohë, duke pirë ujë me kripëra, dhe jo kur të jetë shumë vonë”, shtoi mjekja.

Sipas saj, në verë duhen konsumuar vetëm frutat e perimet e stinës, ndërsa gjërat që i prodhon dora e njeriut, “janë ndër helmet më të dëmshme, sidomos në këto temperatura”.

“Ujë me kripë çdo 1 orë”, këshillat e mjekes për të përballuar temperaturat e larta yazısı ilk önce Vollga News üzerinde ortaya çıktı.