Nga një ndër atraksionet më të pëlqyera turistike, sot Qipro është kthyer në “ferrin” mbi tokë.
Vendi është përfshirë nga zjarre të mëdhenj që kanë dalë jashtë kontrollit, e që kanë marrë dhe jetët e para. Sipas mediave të huaja, dy persona u dogjën të gjallë, ndërsa përpiqeshin të iknin nga flakët. Trupat u gjetn të shkrumbuar brenda makinës së tyre.
Ndërkohë, të paktën 10 persona u plagosën, dy prej tyre rëndë, ndërsa të tjerë rezultojnë të zhdukur dhe evakuime masive janë duke u zhvilluar.
Pavarësisht përpjekjeve ajrore dhe tokësore, duke përfshirë 10 helikopterë, pesë aeroplanë zjarrfikës dhe 30 automjete zjarrfikëse, erërat e paparashikueshme dhe kushtet e thata po përhapin flakët, duke e bërë zjarrin të pakontrollueshëm.
