Gazetarja Sidorela Gjoni vijon të jetë një nga emrat më të komentuar të ditëve të fundit në rrjetet sociale dhe mediat shqiptare, pas përballjeve të saj televizive që kanë marrë vëmendje të gjerë publike.
Së fundmi, në mbështetje të saj ka reaguar edhe gazetari Andi Llabuti, i cili ka bërë një propozim publik që nuk ka kaluar pa u vënë re.
Përmes një postimi në rrjetet sociale, ai është shprehur se Sidorela Gjoni duhet të marrë drejtimin e Sindikatës së Gazetarëve dhe Punonjësve të Medias në Shqipëri.
“Propozoj që Sidorela Gjoni të zgjidhet presidente e Sindikatës së Gazetarëve dhe Punonjësve të Medias (SGPM) në Shqipëri, për të vetmin arsye që kjo sindikatë të funksionojë dhe jo të jetë inekzistente siç është!”, shkruan Llabuti në postimin e tij që po bën bujë në rrjet.
Deklarata vjen në një moment kur emri i Sidorela Gjonit po qarkullon gjerësisht në rrjet, ndërsa gazetarja ka fituar një mbështetje të konsiderueshme nga ndjekësit pas debateve të saj kryesisht me kryeministrin Rama.
Comments are closed.