Raporti mes Selinës dhe Gimbos po bëhet gjithnjë e më i afërt brenda shtëpisë së “Big Brother VIP 5”. Dyshja ka krijuar një kimi të dukshme, ndërsa ndjenjat kanë nisur të shprehen hapur.
I pari që pranoi se kishte ndjenja ishte Gimbo. Gjatë darkës romantike që patën pak ditë më parë, ai i tha balerinës se kishte nisur ta shihte ndryshe. Nga ana e saj, Selina është shprehur se ndihet mirë pranë tij, duke lënë të kuptohet se afrimiteti mes tyre nuk është rastësor.
Por duket se sot marrëdhënia e tyre kaloi në një tjetër nivel.
Teksa ndodheshin të shtrirë në krevat dhe po bisedonin, Gimbo i afrohet dhe i “vjedh” një puthje Selinës. Reagimi i saj ishte i menjëhershëm: ajo u ngrit duke e goditur lehtë dhe duke i thënë “idiot”, ndërsa momenti u pa edhe nga Mateos dhe Shëndriti, të cilët ndodheshin në dhomë.
“Edhe i thashë se ke me reaguar keq”, u shpreh Gimbo më pas, duke komentuar situatën me banorët.
A ishte kjo puthja e parë e një romance të re në shtëpinë më të famshme në Shqipëri? Apo një moment spontan që mund të krijojë tension mes tyre? Publiku duket se do të ketë shumë për të komentuar në ditët në vijim.
Comments are closed.