Djali i saj, Mario, ka treguar për mediat italiane momentet para tragjedisë. “Shkova të haja akullore me babin, pastaj ai vrau mamin”, tha ai, në një rrëfim që ka prekur opinionin publik.
Pas vrasjes, autori, 55 vjeç, u ul në një stol pranë vendit të ngjarjes dhe priti ardhjen e karabinierëve, të cilëve iu dorëzua pa rezistencë. Ai e pranoi menjëherë krimin dhe deklaroi se “e bëri për të shpëtuar fëmijët”, megjithëse ata ishin të rritur dhe jetonin me nënën që nga ndarja në vitin 2021.
Krimi ndodhi në qytetin Passignano sul Trasimeno, ku Hudhra punonte në një kompani bujqësore. Ai kishte menduar të kryente vrasjen edhe në disa raste të mëparshme, sipas deklaratës së tij.
Gjykata po shqyrton sot konfirmimin e arrestimit dhe hetimet paraprake, ndërsa është urdhëruar autopsia e viktimës. Prokuroria i ka ngarkuar autorit rrethana rënduese për lidhjen martesore, veprimin e paramenduar dhe egërsinë e krimit.
Gentiana lë pas dy fëmijë, 21 dhe 23 vjeç.