Këngëtari nga Kosova, Besart Kelmendi i njohur me nofkën Gjesti ka reaguar për herë të parë pas humbjes tragjike të vëllait të tij disa muaj më parë, në një aksident të ndodhur në Pejë.
Nëpërmjet një video të publikuar në rrjetin e tij social “Instagram”, Gjesti falënderon të gjithë ata persona që i kanë qëndruar pranë gjatë kësaj periudhe të vështirë për të dhe familjen e tij.
Po ashtu Gjesti ka njoftuar fansat e tij se në janar të 2026 do t’i rikthehet muzikës.
“Përshëndetje të gjithëve! Shpresoj që jeni mirë. U bë një kohë që nuk jemi parë. Për këtë po dua me ju falënderu për secilin prej juve që më keni ndenjë afër mu dhe familjes tem në këtë periudhë shumë të vështirë.
Për mu ka qenë e rëndësishme që këtë kohë me ndenjë larg rrjeteve sociale, me u marrë më shumë me veten edhe normal me familjen tem. Sidoqoftë, ju kam pasë në mendje edhe në zemër, qysh më keni pasë ju mu.
Po e shfrytëzoj rastin me këtë video me ju uru Vitin e Ri të gjithëve. Ishalla keni shëndet, lumturi edhe familjet t’ju kenë krejt të mirat.
Si përfundim, desha me ju kallëzu që në vitin 2026, janar, kthehemi me muzikë aty ku e ka vendin. Kështu që, ju dua! Faleminderit shumë!-tha Gjesti.
