Sipas Departamentit Amerikan të Drejtësisë, domenet ishin të lidhura me ministrinë iraniane të Inteligjencës dhe shërbenin për publikimin e të dhënave të vjedhura, propagandë dhe nxitje të dhunës.
Autoritetet amerikane zbuluan se rrjeti kryente edhe kërcënime direkte ndaj gazetarëve dhe disidentëve, madje duke u ofruar deri në 250 mijë dollarë shpërblim për eliminimin e tyre. Një pjesë e rëndësishme e sulmeve ka pasur në shënjestër edhe Shqipërinë. Dy prej faqeve të sekuestruara janë përdorur për publikimin e dokumenteve të vjedhura nga institucionet shqiptare, sulme që lidhen me strehimin në vend të opozitës iraniane, MEK.
“Më 15 korrik 2022 dhe 9 shtator 2022 ose rreth këtyre datave, aktorët e MOIS-it përdorën domenin Justice Homeland[.]org për të marrë përgjegjësinë për vjedhjen e dokumenteve të ndjeshme nga organizatat qeveritare shqiptare”, thuhet në njoftimin e Departamentit amerikan të Drejtësisë.
Teksa FBI theksoi se hetimet po vazhdojnë, ndërsa SHBA, në kuadër të përpjekjeve për të luftuar sulmet kibernetike, ka shpallur edhe një shpërblim deri në 10 milionë dollarë për informacione që çojnë në identifikimin e personave të përfshirë në sulme ndaj infrastrukturës kritike amerikane.
*Deklarata e plotë e Departamentit amerikan të Drejtësisë:
Comments are closed.