Familja e 25-vjeçares Xhuana Nikollaj, e cila i dha fund jetës duke konsumuar fotoksinë pas dhunës së pretenduar nga ish-bashkëshorti, ka hapur dyert e mortit.
Ceremonia mortore po zhvillohet në vendlindjen e saj, në Shëngjin. Të afërmit dhe familjarët, të tronditur nga humbja e të resë, nuk kanë pranuar të flasin për mediat, duke ia lënë gjithçka në dorë drejtësisë. 25-vjeçarja do të përcillet për në banesën e fundit te enjten, e 12 marsit.
Ndërkohë, Policia e Shtetit, përmes strukturave të Drejtorisë Vendore të Policisë Lezhë në koordinim me Policinë e Tiranës, ku ka ndodhur ngjarja, vijon kontrollet për kapjen e ish-bashkëshortit të saj, Eraldo Fizi.
Ndërkohë që një tjetër detaj tronditës që ka dalë në dritë së fundmi lidhet me faktin se 25-vjeçarja dyshohet të ketë qenë shtatzënë. Sipas burimeve, ky informacion është mësuar nga të afërmit e saj vetëm pasi trupi i 25-vjeçares u dërgua në morgun e Tiranës, gjë e cila e ka bërë dhe më të rëndë tragjedinë për familjen.
Ai është shpallur në kërkim nga policia për veprat penale “dhunë në familje” dhe “shkaktim vetëvrasjeje”.
I riu që shikoni në foton e mësipërme është 25-vjeçari Eraldo Fizi, i shpallur në kërkim nga policia pasi dyshohet se ka ushtruar dhunë ndaj të dashurës së tij, Xhuana NikollI, e cila humbi jetën një ditë më parë në QSUT pasi konsumoi fotoksinë.
Sipas Policisë, Fizi, akuzohet për veprat penale “Dhuna në familje” dhe “Shkaktimi i vetëvrasjes”. Ishin famijarët e Nikollajt ata të cilët kallëzuar 25-vjeçarin për dhunë ndërsa sipas raportimeve edhe në trupin e të resë janë konstatuar shenja dhune.
“U shpall në kërkim, për veprat penale “Dhuna në familje” dhe “Shkaktimi i vetëvrasjes”, shtetasi E. F., 25 vjeç, pasi dyshohet se ka ushtruar dhunë ndaj të dashurës së tij, veprim i cili dyshohet se është bërë shkak që shtetasja të konsumojë Fotoksinë. Si pasojë, ajo ka humbur jetën në spital. Punohet intensivisht për lokalizimin dhe kapjen e 25-vjeçarit, si dhe për sqarimin dhe dokumentimin e rrethanave të rastit”, njoftoi policia.
Fizi dhe Nikollaj ishin martuar në qershor të vitit 2025, por për shkak të konflikteve ishin ndarë pas tre muajsh. Hetimet vijojnë për të sqaruar rrethanat e ngjarjes dhe për të kapur të dyshuarin.
Comments are closed.