88-vjeçari Faruk Abdullah, ish-kryeministër i Kashmirit indian dhe president i Konferencës Kombëtare të Jammu dhe Kashmir, i ka shpëtuar një atentati gjatë një dasme në qytetin Jammu.
Pamjet nga kamerat e sigurisë tregojnë një burrë që qëllon me armë nga një distancë shumë e afërt, por pa arritur të plagosë politikanin.
Policia identifikoi të dyshuarin si Kamal Singh Jambal, i cili u arrestua në vendngjarje. Sipas mediave indiane, ai deklaroi se kishte pritur 20 vjet për këtë moment dhe nuk shfaqi asnjë shenjë pendese.
Djali i Abdullahut, Omar Abdullah, kryeministri aktual i rajonit, konfirmoi incidentin përmes një postimi në rrjetet sociale.
Ai tha se i ati i shpëtoi atentatit “për një fije peri” dhe ngriti pyetjen se si ishte e mundur që dikush të afrohej kaq pranë një politikani që ruhet me nivelin e sigurisë Z+, një nga nivelet më të larta të mbrojtjes në Indi.
Ndërkohë, policia vijon hetimet për motivet e autorit, ndërsa sipas raportimeve paraprake, Kamal Singh Jambal dyshohet se kishte motive personale për sulmin.
Comments are closed.