Tërmet në afërsi të Vlorës, lëkundje me magnitudë 3.4 të shkallës Rihter
Një tërmet me magnitudë 3.4 ballë të shkallës Rihter është regjistruar mesditën e kësaj të diele në afërsi të qytetit bregdetar të Vlorës, duke sjellë ndjesi lëkundjesh të lehta për banorët e zonës.
Sipas të dhënave paraprake të publikuara nga Instituti i Gjeoshkencave, Energjisë, Ujit dhe Mjedisit (IGJEUM), epiqendra e tërmetit është lokalizuar rreth 17 kilometra në jugperëndim të Vlorës, ndërsa lëkundjet janë regjistruar në një thellësi prej 4.4 kilometrash.
Fatmirësisht, edhe pse tërmeti është ndjerë në qytet dhe zonat përreth, nuk raportohet për dëme materiale apo persona të lënduar. Banorët kanë konfirmuar se lëkundjet ishin të lehta dhe nuk krijuan panik të madh.
Shqipëria është një vend me aktivitet sizmik të moderuar, dhe lëkundje të tilla janë relativisht të zakonshme, sidomos në zonat jugore dhe perëndimore të vendit.
Autoritetet vazhdojnë të monitorojnë situatën, ndërsa qytetarëve u bëhet thirrje të ndjekin udhëzimet zyrtare në rast të lëkundjeve të tjera.