Personi që shihni në foto është Ylli Zalla, pronari i shtëpisë ku dhe forcat RENEA zbuluan gjatë orëve të fundit arsenalin e armëve të zjarrit dhe minave.
Zalla, dyshohet të ketë qenë bashkëpunëtor në atentatin e përgjakshëm të 11 nëntorit në Rinas ku u vra me breshëri plumbash Gilmando Dani dhe u plagos rëndë miku i tij, Muçi Shaljani.
I njohur për lidhjet me muxhahedinët dhe kriminelët, shpallet
Ylli Zalla-foto arkiv dhe foto aktuale
Deri më tani dyshohet se ky shtetas të ketë furnizuar me armë autorët e kësaj masakre. Gjithashtu, burime për mediat bëjnë me dije automjeti tip “Toyota” i i cili u përdor nga atentatorët ditën e ngjarjes dyshohet të ketë dalë nga banesa e Zallës
Në banesën në pronësi të shtetasit Ylli Zalla janë zbuluar armë automatike, mitralozë, granata, fishekë të kalibrave të ndryshëm, fitil zjarr-përcjellës si dhe lëndë plasëse të lidhura me celularë për shpërthime në distancë.
Konkretisht: 3 kallëpë tritol;
12 granata dore sulmuese;
sasi lëndësh plasëse gati për shpërthim, të montuara me kapsolla detonatore, fitil zjarrpërcjellës dhe celularë(mina);
3 ndezës granatash, kapsolla detonatore dhe 5 celularë;
4 armë zjarri (2 automatikë dhe 2 pushkë), 8 krehra dhe pjesë armësh;
6000 fishekë të kalibrave të ndryshëm;
2 kg e 25 gramë Cannabis.
Ky shtetas nuk është një emër i panjohur për Policinë e Shtetit. Në prill të 2014 ky shtetas ka rënë sërish në pranga dhe njihet në zonë si një person problematik, sa i përket përplasjeve me pronarët e fabrikës së çimentos, trafikut të drogës apo dërgimit të xhihadistëve në Siri.
Edhe në vitin 2011 këtij shtetasi ju gjetën dhe sekuestruan 166 kallëpe tritoli me nga 400 gramë secila, 10 mina kundratank, qindra fishekë dhe armë.