Teksa në oborrin e selisë blu po mbahet një aktivitet në kuadër të 35-vjetorit të themelimit të Partisë Demokratike, një person dëgjohet duke bërtitur dhe kërkon që t’i hapet rruga.
Ky moment nuk është kapur nga kamerat ndërsa toni i lartë i zërit të personit ende të paidentifikuar, ka ndërprerë për një moment fjalën e gazetarit Gazmend Saiti i cili ishte ngjitur në foltore.
“Ik tani, më lër rehat. E di se kush jam? Më hap rrugën.”-dëgjohet të thotë qytetari. Nuk dihet cili ka qenë motivi i këtij sherri teksa mbahej aktiviteti në selinë blu apo kush ishte personi që pengonte qytetarin e revoltuar.
Aktivitetit i është bashkuar edhe djali i Azem Hajdarit, i cili në momentin që mbërriti mes turmës së demokratëve, puthet në faqe me deputetin Klevis Balliu.
Gjithashtu të pranishëm në aktivitetin e PD janë parë edhe aleatët e Partisë së Lirisë, Edmond Haxhinasto, Erisa Xhixho e Tedi Blushi.
