Shërbimi Kombëtar i Shëndetit (NHS) ka lëshuar një paralajmërim urgjent për vaksinim, ndërsa një “një virus po përhapet me shpejtësi në Britani.
Virusi që përshkruhet si një “supergrip” ka shkaktuar trefishimin e shtrimeve në spital, në Londër dhe mbylljen e shkollave në të gjithë vendin.
Shërbimi shëndetësor tha se po përgatitet për një valë të paparë gripi këtë dimër, me tre herë më shumë londinezë të shtruar në spital krahasuar me vitin e kaluar. Javën e kaluar pati një mesatare ditore prej 259 shtretërish në të gjithë kryeqytetin për shkak të gripit, një kontrast i ashpër me një mesatare ditore prej 89 shtretërish vitin e kaluar.
Shërbimi Shëndetësor Kombëtar (NHS) i ka paralajmëruar londinezët që të marrin vaksinën kundër gripit si “çështje urgjente”, duke shtuar se me vetëm disa javë të mbetura para Krishtlindjeve , “tani është koha për të vepruar”.
Stafi i shkollës e ka krahasuar situatën me ‘rikthimin në kohën e Covid-it’, me disa drejtorë shkollash që kanë zvogëluar këndimin në tubime për të ndaluar përhapjen e sëmundjes.
