Një ngjarje e rëndë është regjistruar në shtetin fqinj ku një shqiptar është qëlluar me plumb në kokë.
Sipas mediave italiane mësohet se në orët e para të mëngjesit të së dielës, në Fontaniva, 59-vjeçari shqiptar, i identifikuar si Fatos Cenaj, u qëllua me plumb në kokë.
Kanë qenë qytetarët ata të cilët e kanë gjetur Cenajn të shtrirë dhe të gjakosur në rrugë dhe fillimisht menduan se kishte pësuar aksident rrugor.
Menjëherë ata njoftuan policinë dhe ambulancën, ku u konstatua se 59-vjeçari kishte një plagë në kokë të shkaktuar nga një armë zjarri.
Cenaj u dërgua me urgjencë në spital ku dhe është duke luftuar për jetën. Ndërkohë nga ana tjetër policia është duke punuar për zbardhjen e plotë të kësaj ngjarje.
Deri më tani dyshohet se shqiptari mund të jetë qëlluar nga një automjet në lëvizje. Gjithashtu nuk përjashtohet mundësia që dikush të ketë dashur të provojë një pushkë nga shtëpia e vet dhe aksidentalisht të ketë goditur Cenajn