Momenti kur një aeroplan i vogël me dy motorë u rrëzua në Venezuelë, pak sekonda pas ngritjes, u regjistrua nga dëshmitarët okularë, teksa deri më tani numërohen dy të vdekur dhe dy të plagosur.
Siç mund të shihet në videon nga aksidenti që ndodhi të mërkurën në mëngjes në shtetin e Tahirës, aeroplan u përmbys sapo rrotat e tij u shkëputën nga toka, u rrëzua dhe u përfshi nga flakët, ndërsa dëshmitarët okularë që ulërinin nga tmerri.
Tony Bortone dhe Juan Maltonado humbën jetën në rrëzimin që ndodhi afërsisht në orën 10 të mëngjesit të së mërkurës.
Media lokale venezueliane raportoi se vlerësimi fillestar i rrëzimit është se ai u shkaktua pasi piloti humbi kontrollin e aeroplanit për shkak të një shpërthimi të njërës prej rrotave të tij.
Sipas të njëjtit informacion, aeroplani ishte i përfshirë në aktivitete logjistike për qeverinë venezueliane.
Pavarësisht vlerësimit fillestar, nuk është përjashtuar mundësia që rrëzimi të ketë ndodhur për shkak të një defekti mekanik, gabimit njerëzor ose faktorëve të tillë si gjendja e pistës dhe mjedisit.