Tensionet në shtëpinë e “Big Brother VIP 5” po rriten nga dita në ditë, me debate të forta mes banorëve. Një përplasje e ashpër ka ndodhur së fundmi mes Kejsit dhe Stenaldos, ku në mbrojtje të këtij të fundit ndërhyri edhe Mateo.
Gjatë debatit, Kejsi hodhi akuza ndaj Stenaldos, duke pretenduar se ai kishte pasur një ereksion në momentin kur pranë tij ndodhej banorja e re, Baby G. Akuza ndezi menjëherë situatën në shtëpi dhe solli përplasje verbale mes banorëve.
Mateo reagoi ashpër në mbrojtje të Stenaldos, duke përdorur gjuhë të fortë ndaj Kejsit, ndërsa debati u përshkallëzua me replika dhe ofendime nga të dyja palët.
Situata ka ngjallur reagime edhe jashtë shtëpisë. Motra e Kejsit, Sara, e ftuar në emisionin “Breaking” me Dafina Hysen në Top News, justifikoi deklaratat e vëllait të saj. Ajo u shpreh se bëhet fjalë për një proces natyral, duke theksuar se “meshkuj janë dhe është diçka që mund të ndodhë”.
Në mbështetje të këtij qëndrimi reagoi edhe ish-konkurrenti i “Big Brother”, Seno Fishta, i cili shtoi se meshkujt, në disa momente, harrojnë se ndodhen nën vëzhgimin e vazhdueshëm të kamerave.
