Sinoptikania Lajda Porja ka treguar rreth situatës meteorologjike përgjatë kësaj jave dhe pjesës së mbetur të muajit. Ajo është shprehur se deri në datën 23, pritet që moti të jetë i qendrueshëm dhe ditët me vranësira do të rikthehen sërish. Ndryshe nga herët e tjera, vranësira do të vijnë në shira të papërfillshëm. Ndërkaq, i ftohti do ndihet në mëngjeset dhe mbrëmjet e dhjetorit.
“Ne e thamë që në fillim të muajit që do kemi një dhjetor të thatë, kemi patur plotë ditë me diell.
Parashikohet që edhe përgjatë kësaj jave deri nga data 23, moti të jetë kryesisht i qendrueshëm. Do të shtohet vranësirat duke filluar nga nesër, do të jenë më shumë prezente, nuk do të kemi vetëm diell por do të kemi dhe vranësira. Nesër do të ketë momente me pika shiu, ose reshje të papërfillshme në qarkun e Shkodrës.
Parashikohet që edhe fundjava t’i ketë prezente. Do rritet gradualisht lagështira në ajër. Edhe pse do rritet minimale, mëngjeset janë ende të ftohta dhe do të ndjehet sidomos në mëngjes dhe gjatë natës.
Ndërkohë mesdita do të jetë mjaft komode. Do jetë temperaturat rreth 20 dhe mbi 20 gradë Celcius pothuajse gjatë gjithë këtyre ditëve”, tha ajo. Ka një ndryshim të situatës atmosferike në datën 24-25 dhjetor, e cila është me festën e Krishtlindjeve, ku një sistem vranësirash ka një sinjalizim që po afrohet.
